| 1.1 |
Die gerekenariseerde puntestate vir alle deurlopende assessering word hierby ingesluit, buiten vir die volgende vakke:
Kunsvakke
Dans HG/SG
Frans HG
Duits Eerste Taal HG
Duits Derde Taal HG/SG
Hebreeus HG
Hotelhouding en Spyseniering SG
Gasvryheidstudie SG
Italiaans HG
Latyn HG
Portugees HG
Spaans HG
Inleiding tot Kriminologie SG
Ndebele Eerste/Tweede Taal HG
Zoeloe Eerste Taal HG
Tsonga Eerste Taal HG
Spraak en Drama HG/SG
Urdu HG
|
Rekenaarstudie HG/SG
Rekenaartik SG
Elektrisiënswerk SG
Elektronika SG
Technika (Elektries/Meganies/Siviel) HG/SG
Steenmessel- en Pleisterwerk SG
Pas- en Draaiwerk SG
Sweis- en Metaalbewerking SG
Metaalwerk SG
Motorwerktuigkunde SG
|
|
| 1.2 |
Puntestate vir bogenoemde vakke word direk aan kurrikulumadviseurs voorsien. Die res van die puntestate moet beskikbaar gestel word aan die kurrikulumadviseurs op die dag van moderering. Die gemodereerde punte moet deur die kurrikulumadviseur op die departementele puntestate oorgedra word.
|
| 2. |
TOEKENNING VAN DASS-PUNTE
‘n Punt moet toegeken word aan elke leerder wie se eksamennommer op die puntestaat verskyn. Dit is ook van toepassing op leerders wat
geskors of tydelik uit die skool geskors is.
aansoek gedoen het om sentrumverandering.
afwesig was vir ‘n verlengde tydperk gedurende die jaar.
afwesig was op die dag van moderering.
|
| 3. |
LEERDERS WAT AFWESIG IS EN DIÉ MET GEEN DASS-PUNTE
|
| 3.1 |
Onder geen omstandighede mag ‘n leerder se punte weggelaat word nie. Waar ‘n leerder een of meer items vir DASS aangebied het , maar een of meer van die vereiste items nie ingehandig het nie, moet ‘n “0” vir elk van die betrokke komponente, nie ingehandig nie, aan die leerder toegeken word. Die maksimum totaal word nie aangepas nie. Die leerder word dus gepenaliseer omdat hy/sy nie die vereiste werk voltooi het nie.
|
| 3.2 |
By leerders wat geen DASS-take gedurende die jaar voltooi het nie, moet “999” op die puntestaat aangedui word. Dit is die enigste geval waar “999” op die DASS-puntestate ingevul mag word.
|
| 3.3 |
Waar ‘n leerder met ‘n mediese sertifikaat vir enige komponent afwesig was, moet sy/haar maksimum DASS-punt dienooreenkomstig verander word. Die leerder ontvang dan ‘n punt uit die verminderde groottotaal. Hierdie punt moet dan na die vereiste maksimumpunt omgeskakel word.
|
| 4. |
VAK-/GRAADVERANDERING
In gevalle waar verandering van vak/graad deur die Departement goedgekeur is, moet die verandering (vaknaam en graad) op die puntestaat teenoor die leerder se naam en eksamennommer aangedui word. Skryf “888” in die puntekolom en die leerder se punt in die kolom naas die puntekolom.
|
| 5. |
LEERDERS MET SPRAAK- EN/OF GEHOORSTOORNISSE
Leerders met ‘n spraak- of gehoorstoornis moet in die plek van ‘n mondelingpunt ‘n pro rata-punt ontvang wat gebaseer is op die geskrewe punte vir die Junie- en September-eksamens.
|
| 6. |
PRINSIPALE SE VERANTWOORDELIKHEID BY INVUL VAN PUNTESTATE
Prinsipale moet toesien dat alle leerders in hul skool ‘n DASS-punt ontvang het. Die voorlegging van DASS-punte nadat moderering afgehandel is sal nie deur die Departement aanvaar word nie.
|
| 7. |
KEERDATUM
Assesseringskoördineerders word versoek om toe te sien dat die ingevulde puntestate die Direktoraat: Eksamens teen 30 Oktober 2006 bereik.
|
| 8. |
HANTERING VAN NAVRAE
Prinsipale word versoek om nie leerders sonder DASS-punte direk na die Departement te verwys nadat die uitslae bekend gemaak is nie. Die normale prosedure via die assesseringkoördineerders by die OBOS moet gevolg word
|
GETEKEN: A.P. CLAUSEN
HOOF: ONDERWYS
DATUM: 2006:09:08
|