| 1. |
HERNASIEN VAN SKRIFTE
Kandidate se skrifte kan in die volgende gevalle hernagesien word:
|
| 1.1 |
'n Kandidaat wat in een of meer vakke die Senior Sertifikaat-eksamen gedruip het, kan sy/haar skrif(te) in daardie vak(ke) laat hernasien.
|
| 1.2 |
'n Kandidaat wat in die Senior Sertifikaat-eksamen geslaag het, maar in een of meer vakke nie die standaard wat vir 'n besondere doel vereis word, bereik het nie (byvoorbeeld matrikulasievrystelling, 'n beurs of die spesifieke vereistes van 'n tersiêre inrigting) kan met die goedkeuring van die Departement sy of haar eksamenskrif(te) laat hernasien. Die rede vir die hernasien moet skriftelik op 'n afsonderlike bladsy verskaf word en die aansoek vergesel. Aansoeke wat nie deur bogenoemde vergesel word nie, sal nie oorweeg word nie. (Let daarop dat die Departement bereid is om toe te laat dat skrifte hernagesien word in 'n vak waarin 'n kandidaat nie 40% behaal het nie alleenlik vir die doel van matrikulasie-endossement en/of waar 'n beurs op die spel is.)
|
| 1.3 |
Die Departement kan na goeddunke die hernasien van 'n skrif of skrifte van 'n kandidaat wat in die Senior Sertifikaat-eksamen geslaag het, toelaat waar daar 'n verskil is van minstens twee simbole tussen die kandidaat se September-punte en die punte wat in die Departementele eksamen behaal is.
|
| 1.4 |
Indien 'n kandidaat in vyf of ses vakke slaag, maar in die groottotaal druip, kan die Departement na goeddunke die hernasien van 'n skrif(te) van sodanige kandidaat toelaat.
|
| 1.5 |
'n Kandidaat wat 'n groottotaal van 1680 punte of meer in die skool se September-eksamen verwerf het en in die Senior Sertifikaat-eksamen nie minder nie as 1660 punte behaal het, kan met die goedkeuring van die Departement 'n vak of al die vakke laat hernasien.
|
| 1.6 |
'n Kandidaat wat in die skool se September-eksamen 'n A-simbool in 'n vak behaal het en in die Senior Sertifikaat-eksamen 'n laer simbool in die vak behaal het, kan daardie vak laat hernasien.
|
| 1.7 |
AANSOEKE OM HERNASIEN VAN SKRIFTE TESAME MET DIE VOORGESKREWE BEDRAG VAN R70.00 PER VAK MOET DIE DEPARTEMENT BEREIK NIE LATER NIE AS DERTIG (30) DAE NA DIE AMPTELIKE BEKENDMAKING VAN EKSAMENUITSLAE. GEEN AANSOEK OM HERNASIEN VAN SKRIFTE SAL OORWEEG WORD NIE TENSY DIE VOORGESKREWE BEDRAG DIE AANSOEK BINNE DIE GENOEMDE TYDPERK VERGESEL.
|
| 1.8 |
Die sluitingsdatum vir hernasien van die November 2006-eksamenskrifte is 31 Januarie 2007.
|
| 1.9 |
ELKE KANDIDAAT SAL VAN DIE UITSLAG VAN DIE HERNASIEN VAN SY OF HAAR SKRIFTE IN KENNIS GESTEL WORD. GEEN UITSLAE SAL TELEFONIES BEKEND GEMAAK WORD VOOR 15 MAART 2007 NIE.
|
| 2. |
HERKONTROLERING VAN SKRIFTE
|
| 2.1 |
Kandidate mag aansoek doen dat skrifte weer gekontroleer word ten einde te verseker dat alle antwoorde nagesien en die punte korrek verwerk is.
|
| 2.2 |
Aansoek om herkontrolering moet gedoen word binne 30 dae nadat die eksamenuitslae bekend gemaak is. Die koste is R12.00 per vak en die bedrag is nie terugbetaalbaar nie.
|
| 2.3 |
Applikante sal per brief en, waar toepaslik, per gewysigde Uitslagadvies, van die uitslae van die herkontrolering van skrifte in kennis gestel word.
|
| 3. |
BESIGTIGING VAN SKRIFTE
|
| 3.1 |
Kandidate mag hul skrifte teen R150.00 per vak besigtig indien hulle nie tevrede met die uitslag van die hernasien is nie. Die bedrag is nie terugbetaalbaar nie.
|
| 3.2 |
'n Skriftelike motivering vir die versoek moet by die Hoof van Onderwys ingedien word binne 30 dae nadat uitslae van die hernasien van skrifte bekendgemaak is.
|
| 3.3 |
'n Kandidaat en/of sy haar ouer(s) of voog sal toegelaat word om die betrokke skrif(te) te besigtig en mag binne sewe dae na aanleiding van die besigtiging 'n klag indien. Die Departement sal daarna 'n finale besluit oor die uitslag neem.
LW: Aansoeke om die besigtiging van skrifte, tesame met die voorgeskrewe bedrag, moet die Departement teen nie later nie as sestig (60) dae na die amptelike bekendmaking van die eksamenuitslae bereik. GEEN AANSOEKE SAL DAARNA OORWEEG WORD NIE.
|
| 4. |
TERUGBETALING T.O.V. HERNASIEN
|
| 4.1 |
Koste aangegaan vir die hernasien van enige vak word terugbetaal indien die kandidaat as gevolg van die hernasien
| (a) |
in 'n vak of vakke slaag waarin hy of sy aanvanklik gedruip het.
|
| (b) |
punte behaal wat die uitslag van 'n vak met minstens een simbool verbeter.
|
Terugbetaling van hernasiengeld sal eers plaasvind wanneer die hernasien van alle vakke se skrifte voltooi is.
|
| 4.2 |
Dit is dus belangrik dat die kwitansie wat uitgereik is vir die betaling van die hernasiengeld op 'n veilige plek bewaar word.
|
| 5.1 |
Aansoek om hernasien of herkontrolering moet op die voorgeskrewe aansoekvorm gedoen word. Afsonderlike vorms moet vir die herkontroleer en/of hernasien van eksamenskrifte ingedien word. Aansoeke mag ingehandig word by die WKOD-hoofkantoor (Kliëntediens, 2de vloer) of na die volgende adres gepos word:
Hoof: Onderwys
Aandag: Eksamendirektoraat
Wes-Kaap Onderwysdepartement
Privaatsak X9114
KAAPSTAD
8000
|
| 5.2 |
Indien 'n terugbetaling gemaak word, moet die aangehegte BAS-vorm saam met elke aansoek om hernasien ingedien word. 'n Kandidaat wat nie 'n bankrekening het nie, moet sy of haar ouer of voog se bankrekeningbesonderhede op die BAS-vorm voltooi.
|
GETEKEN: A.P. CLAUSEN
HOOF: ONDERWYS
DATUM: 2006:09:04
|