1. HERNASIEN VAN SKRIFTE

Leerders se skrifte kan in die volgende gevalle hernagesien word:

1.1 'n Leerder wat die Abet Vlak 4 eksamen in een of meer leerarea (s) gedruip het, kan sy/haar skrif(te) in daardie leerarea (s) laat hernasien.
1.2 Aansoeke om hernasien van skrifte tesame met die voorgeskrewe bedrag van R70.00 per leerarea moet die Departement bereik nie later nie as dertig (30) dae na die amptelike bekendmaking van die eksamenuitslae. Geen aansoek om hernasien, herkontrolering en/of besigtiging van skrifte sal oorweeg word nie tensy die voorgeskrewe bedrag die aansoek binne die voorgeskrewe tydperk vergesel.
1.3 LW: Die sluitingsdatum vir hernasien van die Oktober/November 2006-eksamenskrifte is dertig (30) dae na die amptelike bekendmaking van die eksamenuitslae.
1.4 Elke leerder sal van die uitslag van sy of haar hernasien in kennis gestel word en geen uitslae sal telefonies bekendgemaak word nie.

2. HERKONTROLERING VAN SKRIFTE
2.1 Leerders mag aansoek doen dat hulle skrifte weer gekontroleer moet word ten einde te verseker dat alle antwoorde nagesien en die punte korrek verwerk is.
2.2 Aansoek om herkontrolering moet gedoen word binne 30 dae nadat die eksamenuitslae bekendgemaak is. Die koste is R12.00 per vak en die bedrag is nie terugbetaalbaar nie.
2.3 Applikante sal per brief en, waar toepaslik per gewysigde Uitslagadvies, van die uitslae van die herkontrolering van skrite in kennis gestel word.

3. BESIGTIGING VAN SKRIFTE
3.1 Leerders mag hul skrifte teen R150.00 per vak/leerarea besigtig. Die bedrag is nie terugbetaalbaar nie.
3.2 'n Skriftelike motivering vir die versoek moet by die Hoof van Onderwys ingedien word binne dertig (30) dae nadat uitslae van die hernasien van skrifte bekendgemaak is.
3.3 'n Leerder sal toegelaat word om die betrokke skrif(te) te besigtig en mag binne sewe dae na aanleiding van die besigtiging 'n klag indien. Die Departement sal daarna 'n finale besluit oor die uitslag neem.
3.4 LW: Aansoek om die besigtiging van skrifte, tesame met die voorgeskrewe bedrag, moet die Departement binne sestig (60) dae na die amptelike bekendmaking van die eksamenuitslae bereik.

4. TERUGBETALING T.O.V HERNASIEN
4.1 Terugbetalings vir die hernasien van skrifte sal eers na afhandeling van die hele hernasienproses gedoen word. Koste aangegaan vir die hernasien van enige vak word terugbetaal indien die leerder as gevolg van die hernasien:
(a) in 'n vak of vakke slaag waarin hy of sy aanvanklik gedruip het.
(b) 'n hoër simbool in die vak/leerarea behaal.
4.2 Die koste verbonde aan hernasien is R70.00 per vak. Dit is belangrik dat die kwitansie wat uitgereik is, bewaar word.

5. AANSOEKE

Aansoek om hernasien of herkontrolering moet op die voorgeskrewe aansoekvorm gedoen word. LW: Afsonderlike vorms moet vir die herkontroleer en/of hernasien van eksamenskrifte ingedien word.

5.1 Die aangehegte BAS-vorm moet saam met die aansoekvorm ingedien word in geval daar 'n terugbetaling plaasvind.
5.2 Leerders wat nie in besit is van 'n bankrekening nie, moet 'n ouer of voog se bankrekeningbesonderhede op die BAS-vorm invul.

6. NAVRAE

Vorms is beskikbaar by die volgende telefoonnommers en adresse of dit kan van die WKOD se webtuiste afgelaai word.

021 467 2009 of e-pos: njanda@pgwc.gov.za
021 467 2994 of e-pos: mbuys@pgwc.gov.za
021 467 2459 of e-pos: kdarvel@pgwc.gov.za
021 467 2285 of e-pos: rscheepers@pgwc.gov.za
Webadres: http://wced.wcape.gov.za/circulars/index
Hoof:  Onderwys (Direktoraat Eksamens)
Wes-Kaap Onderwysdepartement
Privaatsak X 9114
KAAPSTAD
8000


GETEKEN: A.P. CLAUSEN
HOOF: ONDERWYS
DATUM: 2006:08:31

Aansoek om hernasien of herkontrolering  (grootte: 17 KB)
Bas-vorm  (grootte: 34 KB)