1. Vraestelle vir die Senior Sertifikaat-eksamen en BOOV Vlak 4 assessering van Oktober/November 2006 sal direk deur Skynet Koerierdiens by eksamensentrums afgelewer word en hulle sal weer die skrifte afhaal en na die Departement bring. Eksamenskrifte mag onder geen omstandighede aan die Departement gepos of persoonlik deur hoofopsieners ingebring word nie (selfs nie deur skole/sentra in Kaapstad nie).
2. Skynet Koerierdiens sal tussen 08:00 en 15:00 op die volgende datums eksamenskrifte by u sentrum afhaal:
2.1 Donderdag 12 Oktober 2006 (Sen. Sert. en BOOV Vlak 4)
2.2 Dinsdag 17 Oktober 2006 (Sen. Sert. en BOOV Vlak 4)
2.3 Donderdag 19 Oktober 2006 (Sen. Sert. en BOOV Vlak 4)
2.4 Dinsdag 24 Oktober 2006 (Sen. Sert. en BOOV Vlak 4)
2.5 Donderdag 26 Oktober 2006 (Sen. Sert. en BOOV Vlak 4)
2.6 Dinsdag 31 Oktober 2006 (Sen. Sert. en BOOV Vlak 4)
2.7 Donderdag 02 November 2006 (Sen. Sert. en finale afhaal BOOV Vlak 4)
2.8 Dinsdag 07 November 2006
2.9 Donderdag 09 November 2006
2.10 Dinsdag 14 November 2006
2.11 Donderdag 16 November 2006
2.12 Dinsdag 21 November 2006
2.13 Donderdag 23 November 2006 (Sen. Sert. finale afhaal)
3. Ten einde hierdie proses glad te laat verloop, word u versoek om die hoofopsiener breedvoerig hieroor in te lig en die nodige reëlings te tref vir die veilige bewaring van die vraestelle en antwoordskrifte.
4. VERSENDING VAN SKRIFTE
4.1 Die Departement voorsien grys plastieksakke vir die versending van die skrifte, puntestate, bywoningsregisters, sitplekplanne en ander eksamenverwante korrespondensie. Elke plastieksak kan ongeveer 200 skrifte neem en kan vir die skrifte van meer as een eksamensessie, vak, graad of leerarea gebruik word.
4.2 LET DAAROP DAT PLASTIEKSAKKE WAT MINDER AS 200 SKRIFTE BEVAT, ONDER GEEN OMSTANDIGHEDE TERUGGEHOU MAG WORD OP DAE WANNEER DIE KOERIERDIENS EKSAMENSKRIFTE AFHAAL NIE.
4.3 Ten einde koste ten opsigte van die koerierdiens te bespaar, moet opsieners asseblief kleiner pakkies in een sak pak sodat die aantal pakkette per besending tot die minimum beperk word.
4.4 Roeteplakkers en versendingsvorms wat vir elk van die bepaalde versendingsdae bedoel is, sal deur Skynet Koerierdiens aan sentrums voorsien word. Daar moet toegesien word dat die gemelde dokumente korrek en volledig ingevul word en dat 'n roeteplakker op elke pakket aangebring word.
4.5 Enige tekorte aan Skynet Koerierdiens-etikette moet asseblief onder die aandag gebring word van hulle verteenwoordiger wat die pakkette by die skool kom afhaal, sodat sodanige tekorte aangevul kan word
4.6 NADAT DIE KOERIERDIENS SE VERTEENWOORDIGER DIE PAKKET IN ONTVANGS GENEEM HET, SAL U 'N AFSKRIF VAN DIE VERSENDINGSVORM ONTVANG WAT DEUR DIE HOOFOPSIENER VIR NAVRAAGDOELEINDES GELIASSEER MOET WORD.


GETEKEN: A.P. CLAUSEN
HOOF: ONDERWYS
DATUM: 2006:08:31