1. Die gerekenariseerde puntestate vir formatiewe assessering in hulle leerareas word hierby ingesluit vir voltooiing deur kurrikulumadviseurs.
2. Elke puntestaat bestaan uit `n oorspronklike en drie afskrifte. Nadat die moderering- proses afgehandel is en die punte op die gerekenariseerde puntestate aangebring is, moet die onderste twee afskrifte verwyder word. Een van hierdie afskrifte is vir die sentrum se rekord en een vir die OBOS se rekord.
3. Gebruik asseblief die ingeslote kontrolelys om die sentrums te identifiseer en verseker dat alle puntestate voorgelę word aan die Departement.
4. Let daarop dat kurrikulumadviseurs verantwoordelik is vir
  • die moderering van die formatiewe assessering in hulle leerareas, en

  • die indiening van die puntestate by die Direktoraat Eksamens.

5. Die volgende prosedure moet gevolg word met die voltooiing van puntestate:
5.1 Die kandidate se individuele punte moet deur middel van drie syfers in die toepaslike kolom aangedui word, byvoorbeeld 013, in plaas van 13.
5.2 Onder geen omstandighede moet 'n leerder se punte weggelaat word nie. 'n Punt moet aan elke leerder wie se assesseringsnommer op die puntestaat verskyn, toegeken word. Dit is ook van toepassing op leerders wat:
  • aansoek om sentrumverandering gedoen het,

  • afwesig was vir 'n lang periode gedurende die jaar en

  • afwesig was op die dag van moderering.

5.3 Indien daar geen punte vir 'n leerder is nie, moet 'n 999 (afwesig) op die puntestaat aangedui word. Hierdie kandidate sal nie 'n uitslag in die leerarea ontvang nie. 'n Nulpunt (000) moet toegeken word, slegs in die geval waar 'n leerder werk ingedien het, maar geen punte behaal het nie.
5.4 "TOTAL" (onderaan puntestaat) is slegs vir kantoorgebruik.
6. Kurrikulumadviseurs word versoek om toe te sien dat die voltooide puntestate gestuur word aan Die Direktoraat: Eksamens, vir aandag mnr. L. van Gensen/C. Slee, Wes-Kaap Onderwysdepartement, Kamer 417 (4de Vloer), Grand Central Towers, Laer Parlementstraat, Kaapstad, 8001, om die adres teen Vrydag, 2 Junie 2006 te bereik.


GETEKEN: C.D. BIRTLES
HOOF: ONDERWYS
DATUM: 2006:05:18


Die dokumente, waarna verwys word in die Minuut, is aan skole gestuur.