| 1.1 |
Die nasien van skrifte sal by die ou Wes-Kaap Onderwyskollege in Kuilsrivier ( Fine Art Gebou ) plaasvind.
|
| 1.2 |
Geen eise vir etes en verversings sal terugbetaal word nie aangesien die volgende deur die Wes-Kaap Onderwysdepartement verskaf sal word.
Oggendtee (10:00), middagete (12:30) en middagtee (14:45 ) en aandete (18:30).
|
| 2. |
TOETSING VAN MEMORANDUMS VAN PUNTETOEKENNING EN DIE INDIEN VAN VOORLOPIGE VERSLAE DEUR MODERATORE
Die onderstaande prosedure word voorgeskryf met die oog op die handhawing van eenvormigheid in die evaluering.
|
| 2.1 |
Die hoofeksaminator vir elke leerarea sal 'n maksimum van 20 skrifte, insluitend ‘n vraestel en memorandum, ontvang binne vier dae na die eksamen afgelê is.
|
| 2.2 |
Hierdie skrifte moet binne vier dae volgens die memorandum nagesien word.
|
| 2.3 |
Die nagesiene skrifte moet deur die hoofeksaminator direk per koerier aan die interne moderator gestuur word. Vir dié doel sal die hoofeksaminator voorsien word van versendingsnotas en roeteplakkers. Waar moontlik, moet die skrifte egter per hand aan die interne moderator oorhandig word.
|
| 2.4 |
Die interne moderator moet die moderering voltooi en ‘n verslag (op vorm VR-E 604) indien binne twee dae nadat die nagesiene skrifte tesame met die vraestel en die memorandum ontvang is. Dit is die moderator se verantwoordelikheid om te verseker dat die hoofeksaminator
|
| 2.4.1 |
die memorandum van puntetoekenning billik en konsekwent toegepas het,
|
| 2.4.2 |
‘n eenvormige standaard gehandhaaf het,
|
| 2.4.3 |
indien nodig, die memorandum korrek gewysig het.
|
| 2.5 |
Die moderator moet die gemodereerde skrifte tesame met die verslag en sy/haar kommentaar en beslissings aan die hoofeksaminator stuur en nie aan die Direktoraat Eksamens nie.
|
| 2.6 |
Van die hoofeksaminator word verwag om gedurende Junie 2006 ‘n bespreking op nasionale vlak van die memorandum in Pretoria by te woon. Van hom/haar word verwag om die nagesiene en gemodereerde skrifte saam te neem. Van die hoofeksaminator word verwag om alreeds aantekeninge beskikbaar te hê oor sake rakende die memorandum. Die datums van die nasionale vergaderings in die verskillende leerareas sal eersdaags aan u beskikbaar gestel word.
|
| 2.7 |
Die memorandum sal gefinaliseer word in Pretoria in samewerking met die nasionale moderator en die Umalusi-moderator. Na die finalisering hiervan sal geen veranderings aan die nasionale memorandum toegelaat word nie.
|
| 2.8 |
Dit is die hoofeksaminator se verantwoordelikheid om enige veranderings of wysigings met die moderator en sy/haar paneel te bespreek nadat hy/sy van die memorandum se bespreking teruggekeer het. Sodoende word verseker dat die res van die skrifte volgens die hersiene memorandum nagesien word.
|
| 2.9 |
Die hoofeksaminator word dringend versoek om toe te sien dat die moderator se verslag tesame met die finale memorandum van puntetoekenning en die ondertekende sertifikaat van geheimhouding saam met die eerste nagesiene skrifte aan die Direktoraat Eksamens gestuur word. Hierdie dokumente is uiters noodsaaklik vir die afhandeling van die werksaamhede rakende die verwerking van die leerders se uitslae.
LW: Die volledige prosedure moet afgehandel word voordat die nasieners begin nasien. Die gemodereerde skrifte wat van die moderator terug ontvang word, moet op hulle presiese plekke waaruit hulle gehaal is in die betrokke sentrums se pakke skrifte teruggeplaas word.
|
| 3. |
NASIEN BY DIE OU WES-KAAP ONDERWYSKOLLEGE IN KUILSRIVIER (FINE ART GEBOU) |
| 3.1 |
Die nasienperiode sal begin op 3 Julie 2006 om 07:30 en om 12:00 op 7 Julie 2006 ten einde loop. Sekuriteitspersoneel sal 24 uur aan diens wees en eksamenpersoneel sal daagliks vanaf 07:30 tot 16:00 beskikbaar wees.
L.W. Alle skrifte moet by die sentrum nagesien word. Geeneen word toegelaat om skrifte of enige ander eksamenverwante dokumente van die nasiensentrum te verwyder nie. Hierdie reëling moet streng nagekom word, aangesien visentering sal plaasvind.
Alle skrifte vooraf uitgereik, ongeag of dit nagesien is al dan nie, moet met die aanvang van die nasienperiode by die nasiensentrum besorg word. Hoofeksaminators, nasieners en moderatore moet asseblief hierdie reëling eerbiedig. Geen uitsondering sal in hierdie verband gemaak word nie.
|
| 3.2 |
Dit is die hoofeksaminator se verantwoordelikheid om by ontvangs, alle skrifte teenoor die kontrolelyste te kontroleer. Enige ongerymdhede en/of teenwoordigheid van skrifte anders as dié wat op die kontrolelys aangedui is, moet onmiddellik onder die aandag van die Direktoraat Eksamens gebring word. Die hoofeksaminator moet ook seker maak dat die korrekte getal skrifte wel ontvang is.
|
| 4. |
NASIENPROSEDURE
Alvorens die nasienwerk begin, moet die hoofeksaminator die nasieners ten volle inlig oor die nasienprosedure, met spesiale verwysing na die volgende:
|
| 4.1 |
Geheimhoudingsvorms (Bylae A) en die lys van name en kodes van hoofeksaminator en eksaminators, moet op die eerste nasiendag ingedien word.
|
| 4.2 |
Punte toegeken vir ‘n spesifieke antwoord moet in die antwoordskrif langsaan die antwoord aangebring word met een (1) regmerk vir elke punt toegeken. Dit is veral belangrik in die toekenning van meer as een punt. Die totaal van elke vraag moet aan die begin van die vraag en in die kolomme aan die binnekant van die agterste buiteblad aangeteken word.
|
| 4.3 |
Indien gevalle voorkom waar ‘n antwoord nie met die vraag verband hou nie, moet dit deurgehaal en ‘n 0-punt toegeken word.
|
| 4.4 |
Ten einde te voorkom dat leerders benadeel word, moet die hoofeksaminator sy nasieners waarsku teen die foutiewe optel van punte en die oorslaan van gedeeltes van leerders se antwoorde. Dit bly die hoofeksaminator se verantwoordelikheid om te verhoed dat foute in hierdie verband voorkom.
|
| 4.5 |
Die puntetotaal en die simbool moet op die voorblad van die antwoordskrif verskyn. Die eksaminator moet ook op die voorblad parafeer.
|
| 4.6 |
Die nasienproses is geheel en al die verantwoordelikheid van die hoofeksaminator. Elke nasiener is verantwoordelik vir die korrekte inskryf van punte, leesbaar en in swart ink, van elke skrif op die puntestaat van die pak wat hy/sy nagesien het.
|
| 4.7 |
Indien die punte slegs uit twee syfers bestaan, moet ‘n syfer 0 voor die betrokke syfers ingevoeg word, byvoorbeeld 020 vir 20. Indien daar ‘n fout voorkom met die inskryf van punte moet die foutiewe inskrywing netjies deurgehaal word, waarna die korrekte punt aangebring en geparafeer moet word, aangesien korreksies wat nie geparafeer is nie, nie aanvaar sal word nie.
|
| 4.8 |
Elke lid van die nasienpaneel moet tot sy/haar eie bevrediging seker maak dat die punte wat hy/sy op die puntestate inskryf heeltemal korrek is. Daar word voorgestel dat nasienpanele hul eie kontrolemaatreëls toepas. Die kandidate se uitslae is gebaseer op die inligting wat op die puntestate verskyn.
|
| 4.9 |
Alle nagesiene skrifte met hul onderskeie puntestate moet aan die hoofeksaminator oorhandig word, wat dit op sy beurt aan die Direktoraat: Eksamens sal oorhandig. Indien daar puntestate ontbreek, moet die hoofeksaminator die Direktoraat Eksamens onverwyld in kennis stel.
|
| 4.10 |
‘n Dringende beroep word op die hoofeksaminator gedoen om te verseker dat punte teenoor elke kandidaat se eksamennommer ingevul word. Indien skrifte ontbreek en “999” (afwesig) of “888” (leerarea-verandering) nie teenoor die leerder se eksamennommer aangedui is nie, moet dit onverwyld onder die aandag van die Direktoraat Eksamens gebring word.
|
| 4.11 |
Die persoon wat ‘n skrif nasien, moet sodanige skrif parafeer en sy/haar nommer daarop aanbring. Versuim om dit te doen, kan probleme veroorsaak wanneer monsters vir modereringdoeleindes getrek word.
|
| 4.12 |
Paneellede, word versoek om die Register van nagesiene skrifte per sentrum per eksaminator (Bylae B) op ‘n daaglikse basis by te hou. Sodra hy/sy klaar nagesien het, moet die register by die hoofeksaminator ingedien word vir verifiëring. Laasgenoemde moet dit saam met die nasiener se eis indien.
|
| 5. |
TOEPASSING VAN DIE NASIENMEMORANDUM
|
| 5.1 |
Dit is die hoofeksaminator se plig om toe te sien dat eksaminators die goedgekeurde memorandum van puntetoekenning noukeurig en konsekwent toepas sonder om die simboolverspreiding in ag te neem.
|
| 5.2 |
Nasieners moet waak teen die neiging om algaande meer toegeeflik te word. Die strewe moet wees om konsekwent ‘n eenvormige standaard te handhaaf.
|
| 5.3 |
Dit is dus noodsaaklik dat:
|
| 5.3.1 |
hoofeksaminators die finale goedgekeurde memorandum van puntetoekenning deeglik met hul onderskeie nasieners bespreek voordat nasienwerk ‘n aanvang neem; en
|
| 5.3.2 |
die moderator ten minste 10% van die eksaminators se nagesiene skrifte modereer, of
|
| 5.3.3 |
indien daar minder as twintig skrifte per leerarea nagesien moet word, al sodanige skrifte deur die moderator gemodereer word.
|
| 6. |
INVUL VAN PUNTESTATE EN AFHAAL VAN SKRIFTE
|
| 6.1 |
Puntestate word in duplikaat voorsien, en slegs die oorspronklike puntestaat moet die skrifte vergesel.
|
| 6.2 |
Vul asseblief puntestate in soos per aangehegte voorbeeld. Puntestate moet onmiddellik na suksesvolle moderering deur die paneel ingevul word. Puntestate moet gekontroleer word deur die nasiener wat dit moet onderteken en sy/haar nasienkode daarop moet aanbring.
|
| 6.3 |
Waar ‘n leerder afwesig was, sal die letter A, gevolg deur die kode “999”, langs die leerder se nommer op die puntestaat aangedui word.
|
| 6.4 |
Enige leerareaveranderings sal aangedui word deur die kode “888”. Hierdie skrifte sal nie saam met die skrifte wees waarvoor die leerder oorspronklik ingeskryf het nie, maar wel saam met dié soos aangedui deur die opsieners.
|
| 6.5 |
Let asseblief daarop dat strepieskode puntestaatnommers weer gebruik sal word. Skrifte moet numeries gerangskik word soos aangedui op die puntestaat. Elke puntestaat moet VOLLEDIG ingevul wees.
|
| 6.6 |
Hoofeksaminators word versoek om slegs pakke te verdeel indien daar geen ander wyse is waarop die nasien behartig kan word nie, aangesien die verdeling van pakke die kontrolering van skrifte bemoeilik.
|
| 6.7 |
Die puntestaat (e) moet tussen die omslag en die eerste skrif van elke pakkie skrifte gelaat word wanneer dit gereed is om afgehaal/versend te word.
|
| 7. |
FINALE INDIEN VAN EKSAMENDOKUMENTE DEUR HOOFEKSAMINATORS
|
| 7.1 |
Hoofeksaminator moet dele I, IIA en IIB van die hoofeksaminator se verslag (vorm vr-e 448) aan die Departement terugbesorg.
|
| 7.2 |
Die volgende aspekte moet in ag geneem word:
|
| 7.2.1 |
DEEL I (Vertroulike verslag aan die Departement)
| (a) |
Hierdie deel van die verslag moet slegs in een van die amptelike tale ingedien word.
|
| (b) |
Onreëlmatighede wat by die nasien van die skrifte aan die lig kom, moet nie in hierdie verslag gemeld word nie, maar onverwyld in ‘n aparte verslag onder die Departement se aandag gebring word.
|
| (c) |
Daar moet van die volgende aspekte van die eksamenvraestel verslag gedoen word in hierdie afdeling van die verslag:
| (i) |
Die tydsduur van die vraestel in verhouding tot die leerstof wat geassesseer moet word
|
| (ii) |
Die lengte van die vraestel in verhouding tot die tydaanwysing. (Met ander woorde, kon leerders die vraestel redelikerwys binne die toegewese tyd beantwoord, of was die vraestel te lank?)
|
| (iii) |
Die struktuur/patroon/samestelling van die vraestel ten opsigte van byvoorbeeld die afdelings, aantal vrae wat gestel moet word, aantal vrae wat beantwoord moet word
|
| (iv) |
Die geskiktheid van besondere vraagtipes, byvoorbeeld opsteltipevrae, veelkeusevrae en kontekstuele vrae wat deur die sillabus voorgeskryf word
|
| (v) |
Geskiktheid van die amptelike evalueringskale
|
|
| (d) |
Die volgende aspekte van die sillabus en onderrig moet in hierdie deel van die verslag gemeld word:
| (i) |
Afdelings van die sillabus wat probleme ten opsigte van vertolking oplewer
|
| (ii) |
Afdelings van die sillabus (vraestel) wat swak onderrig is
|
| (iii) |
Afdelings van die sillabus (vraestel) wat goed onderrig is
|
| (iv) |
Afdelings van die sillabus wat hersien behoort te word
|
| (v) |
Afdelings van die sillabus wat afgeskeep of oorbeklemtoon is
|
| (vi) |
Geskiktheid van die voorgeskrewe boeke vir eksamendoeleindes
|
| (vii) |
Foutiewe aanbieding van feite, byvoorbeeld wetenskaplike teorieë wat nie meer geld nie, handelsgebruike wat verouderd is en foutiewe toepassing van beginsels
|
| (viii) |
Leemtes in die onderrig soos geopenbaar deur leerders se antwoorde.
|
| (ix) |
Nommers van die sentrums waar leerders uiters swak gepresteer het, met ‘n aanduiding van die afdeling(s) van die sillabus wat swak onderrig is of van vrae wat swak beantwoord is
|
|
| (e) |
Enige aangeleentheid in verband met die eksaminering of die vak in die algemeen wat aandag verdien, moet ook in hierdie deel van die verslag gemeld word.. (Indien nodig, kan ‘n aparte vel papier hiervoor gebruik word).
|
|
| 7.2.2 |
DEEL IIA –(Vir publikasie)
| (a) |
Let asseblief op die volgende aangaande hierdie afdeling van die verslag:
| (i) |
Alle verslae behalwe dié oor taaleksamens, moet in beide Engels en Afrikaans wees. Vir die taaleksamens moet die verslag in die taal wees wat geëksamineer is.
|
| (ii) |
Aangesien hierdie deel van die verslag gepubliseer word, moet dit kort en bondig, dog duidelik en volledig gestel word en so aangebied word dat dit sonder verandering gedruk kan word.
|
| (iii) |
Vae veralgemenings en gemeenplase moet vermy word. Aanbevelings en kommentaar moet spesifiek, nuttig en opbouend wees sodat dit vir opvoeders van waarde is in hulle onderrig.
|
| (iv) |
Verwysings na spesifieke taal- en bevolkingsgroepe, opvoeders en individuele skole moet vermy word. Die verslag moet toegespits wees op die werk van leerders soos dit uit die nagesiene eksamenskrifte blyk.
|
| (v) |
Indien moontlik moet daar oor elke vraag in die vraestel verslag gelewer word.
|
| (vi) |
Indien hierdie voorskrifte geïgnoreer word, of die aanbevole lengte oorskry word, of die vorm nie voldoen aan die riglyne soos uiteengesit op vorm VR-E 488A nie, kan verslae terugverwys word vir redigering.
|
|
| (b) |
In hierdie afdeling word hoofeksaminators versoek om verslag te doen van die volgende:
| (i) |
Afdelings van die sillabus wat foutief vertolk is
|
| (ii) |
Dele van die sillabus wat onvoldoende onderrig is
|
| (iii) |
Afdelings van die sillabus wat deeglik onderrig en goed bemeester is
|
| (iv) |
Leemtes in die onderrig soos dit blyk uit die antwoorde van die kandidate
|
| (v) |
Gedeeltes van die sillabus wat oorbeklemtoon is
|
| (vi) |
Tekortkominge wat vry algemeen in antwoorde voorkom, bv. onnoukeurige grafieke, onvolledige byskrifte, foutiewe werkwoordgebruik, foutiewe woordorde,sinsboufoute en onleesbare handskrif.
|
| (vii) |
Gebrekkige en foutiewe eksamentegnieke soos dit blyk uit leerders se antwoorde, byvoorbeeld swak uiteensetting, gememoriseerde antwoorde, tydrowende praktyke, antwoorde buite verhouding in lengte vergeleke met die puntetoewysings.
|
| (viii) |
Aangeleenthede van `n algemene aard in verband met die eksamen wat onder die aandag van opvoeders gebring behoort te word
|
| |
| 7.2.3 |
DEEL IIB – (Vertaling vir publikasie)
| (a) |
Hierdie verslag moet ‘n vertaling wees van Deel IIA van die hoofeksaminator se verslag.
|
| (b) |
Hierdie deel van die verslag moet vir publikasiedoeleindes op ‘n aparte vel papier geskryf word.
|
| (c) |
Alhoewel ‘n letterlike vertaling nie vereis word nie, moet die twee weergawes, dit wil sê Deel IIA en IIB, gelykluidend wees wat inhoud en betekenis betref. ‘n Vertaling wat te vry is, kan nie aanvaar word nie.
|
| (d) |
As hoofeksaminators voel dat hulle nie bevoeg is om ‘n vertaling wat geskik is vir publikasie voor te berei nie, moet hulle, indien moontlik, die hulp inroep van die moderator.
|
| (e) |
Geen vertalings van verslae oor die amptelike tale is nodig nie.
LW: Geen uitbetaling van eise sal geskied alvorens die verslae ontvang is nie.
|
|
| 8. |
ANDER DOKUMENTE WAT INGEDIEN MOET WORD
Hoofeksaminators moet verseker dat die onderstaande behoorlik ingevulde dokumente onverwyld na afloop van die nasientydperk aan die Departement oorhandig word:
|
| 8.1 |
Opgaaf van Paneellede wat hulle name, persalnommers en adresse aandui en die getal skrifte wat deur elkeen van hulle nagesien is (Bylae C)
|
| 8.2 |
Voltooide eisvorms ten opsigte van die nasienwerk van die Paneel (vorm VR-E 261)
|
| 8.3 |
Voltooide eisvorms ten opsigte van die hoofeksaminators en nasieners se reis- en verblyftoelaes (vorms Z462 en Z43). |
| 8.4 |
Alle kopieë van die memorandum van puntetoekenning wat deur die Paneel gebruik is
|
| 8.6 |
Bywoningsregister van Paneel (Bylae D)
|
| 9. |
TOELAES BETAALBAAR AAN PERSONE WAT BUITE `N RADIUS VAN 75 KM NA DIE KAAPSE SKIEREILAND REIS
|
| 9.1 |
Hoofeksaminators, nasieners en moderatore wat buite `n radius van 75 km vanaf die nasiensentrum woonagtig is, is genoodsaak om van hostelgeriewe gebruik te maak en sal soos volg vergoed word:
| (a) |
Waar hoofeksaminators, nasieners en moderatore genoodsaak is om per trein of bus na Kaapstad en terug te reis, sal 100% van die koste van `n eersteklas retoertrein- en -buskaartjie vergoed word. Stawende bewysstukke van alle uitgawes moet eisvorm VR-E 261 vergesel.
|
| (b) |
Vir die reis vanaf hul woning, mag daar van privaatmotorvervoer gebruik gemaak word en sal die betrokkenes vergoed word volgens die Personeeladmini-strasiemaatreëls (PAM) wat tans R 1, 23 per kilometer is. Die eisvorm Z43 moet in hierdie verband voltooi word en as stawende bewys by die eisvorm VR-E 261 aangeheg word.
|
|
| 9.2 |
PERSONE WAT IN KAAPSTAD EN OMGEWING (BINNE RADIUS VAN 75 KM) WOONAGTIG IS
|
| 9.2.1 |
Hoofeksaminators, nasieners en moderatore binne `n radius van 75km vanaf die nasiensentrum woonagtig is (insluitend die Noordelike en Suidelike voorstede, Strand, Somerset-Wes, Stellenbosch, Paarl, Wellington en Malmesbury)moet kennis neem dat die vergoeding nie meer geskied volgens die voorgeskrewe tarief wat van toepassing is op die gebruik van privaatmotorvervoer nie. Vanaf 23 Maart 2001, word alle persone wat van privaatmotorvervoer gebruik maak, vergoed ooreenkomstig die voorskrifte van die PAM wat tans R 1, 23 per kilometer beloop.
|
| 9.2.2 |
Eisvorm (Z43) moet voltooi word en die begin- en eindlesing van die odometer moet daagliks duidelik op die keersy van die eisvorm aangebring word. Vorm Z43 moet as stawende bewys by eisvorm VR-E 261 aangeheg word. |
| 9.2.3 |
Hoofeksaminators, nasieners en moderatore wat tydens die nasienperiode van openbare vervoer gebruik maak, sal ten volle vergoed word. Stawende bewysstukke van alle uitgawes moet eisvorm VR-E 261 vergesel. Indien bewysstukke nie beskikbaar is nie, moet `n verklaring by die naaste polisiekantoor afgelê word en die gesertifiseerde verklaring moet by die eisvorm (VR-E 261) aangeheg word.
LW: `n Beroep word op hoofeksaminators, nasieners en moderatore gedoen om toe te sien dat alle eisvorms volledig en korrek voltooi en onderteken is alvorens dit ingedien word. Alle eise van eksaminators moet deur hoofeksaminator (en waar van toepasing, ‘n moderator ) onder die opskrif “korrek verklaar” en goedgekeur onderteken word. Vorms wat onvolledig of nie onderteken is nie vertraag uitbetaling. Geliewe daarop te let dat alle stawende bewysstukke die eisvorm (VR-E 261) moet vergesel. |
Die instruksies wat in hierdie dokument vervat is, moet noukeurig nagekom word.
GETEKEN: A.P. Clausen
HOOF: ONDERWYS
DATUM: 2006:05:09
|