1. U word verwys na Eksamenminuut 0014/2006 gedateer 26 April 2006 in hierdie verband. Die toetse sal hierdie jaar op die volgende datums afgeneem word:
1.1 Wiskundetoets: Woensdag, 14 Junie 2006 van 9:40 tot 11:00
Die toetsvrae sal in beide Engels en Afrikaans wees.
1.2 Taaltoets: Maandag, 19 Junie 2006 van 9:40 tot 11:00
Die toetsvrae sal in óf Engels óf Afrikaans wees. Daarbenewens word 'n vraestel vir Xhosa moedertaalsprekers hierdie jaar bekendgestel. Die vraestel sal bestaan uit vrae in Xhosa (50%) en vrae in Engels (50%).
2. Skynet-koeriers sal die kartondose met toetsboeke in twee aflewerings aan skole besorg. Die Wiskundetoetsboeke vir die toets op 14 Junie 2006 sal tussen 1 en 5 Junie 2006 by skole afgelewer word. Die Taaltoetsboeke vir die toets op 19 Junie 2006 sal by skole afgelewer word tussen 6 en 8 Junie 2006. Die kartondose sal die toetsboeke bevat (elke boek sal die toetsvrae en ruimte vir die antwoorde bevat), asook administratiewe instruksies, strepieskode-bywoningsregistervorms, strepieskodeplakkers, ‘n kontrolelys, rekkies en grys plastieksakke waarin die toetsboeke teruggestuur moet word. Na ontvangs van die kartondose met die toetsboeke, moet die kontrolelys ingevul word en dan na 021-461 5637 of 021-461 5628 gefaks word. (Vir enige navrae in verband met die toetsboeke en toetsdokumente, skakel asb met mnr C. Berry by 021-461 2265.)
3. Prinsipale moet seker maak dat hulle die korrekte aantal kartondose ontvang en op die afleweringsnota vir die ontvangs van die kartondose teken. Die kartondose moet in die skool se brandkluis bewaar word en die prinsipaal is verantwoordelik vir die veilige bewaring van die sleutels. Let asseblief daarop dat toetsboeke onder geen omstandighede oopgemaak mag word nie. Die vrae mag nie met leerders bespreek word nie en die toetsboeke mag nie uit die skool verwyder word voordat die toets afgeneem is nie.
4. Hierdie toetse moet slegs beantwoord word in die toetsboeke wat voorsien is. Alle leerders moet een uur voor die aanvang van die toets hulle plekke inneem. Die tyd moet gebruik word om die registrasie af te handel deur elke leerder se strepieskodeplakker, met die unieke nommer, op die leerder se toetsboek te plak.
5. Hierdie toetse moet onder formele eksamenomstandighede afgeneem word en die reëls wat van toepassing is by die afneem van die Senior Sertifikaat-eksamen moet toegepas word, dog sonder die aanstelling van eksterne toesighouers.
6. Die onderwyser wat by die toets toesig hou, moet seker maak dat die volgende prosedure op die oggend van die toets gevolg word:
9:00 tot 9:40:

Voorbereiding vir die toets		Die onderwyser wat toesig hou by die toets moet seker maak:

  • dat die toetsboeke (wat elk die toetsvrae en ruimte vir die neerskryf van antwoorde bevat) aan leerders uitgedeel word.

  • dat elke leerder sy of haar korrekte strepieskodeplakker met die unieke nommer op die toetsboek plak.

  • dat leerders 15 minute voor die aanvang van die toets toegelaat word om deur die toetsvrae te begin lees.

9:40 tot 11:00:

Skryf van die toets		Na afloop van die toets:

Die leerders moet om 11:00 ophou skryf en die toetsboeke moet onmiddellik ingeneem word.

Die toesighoudende onderwyser moet:

  • nagaan dat die aantal toetsboeke wat ingeneem word, ooreenstem met die aantal leerders wat die toets geskryf het;

  • nagaan dat elke leerder se strepieskodeplakker met die unieke nommer op sy of haar toetsboek geplak is; en

  • seker maak dat die leerders se toetsboeke in dieselfde alfabetiese volgorde gerangskik is as die name op die strepieskode-bywoningsregistervorms en dat hierdie registrasievorms saam met die toetsboeke teruggestuur word.
Let asseblief daarop dat die toetsboeke elektronies geskandeer sal word en groot sorg moet dus gedra word met bogenoemde prosedure.

7. Die volgende prosedures moet gevolg word by die terugstuur van die toetsboeke:
7.1 Die gekodeerde toetsboeke moet in alfabetiese gerangskik word, ooreenkomstig die alfabetiese leerderregistrasievorms wat vir elke skool opgestel is.
7.2 Die toetsboeke moet in pakke van ‘n maksimum van vyftig (50) toetsboeke verdeel word, met die strepieskode-bywoningsregister bo-op elke pak. Elke pak moet in een van die grys plastieksakke wat voorsien is, geplaas word en aan die Direktoraat: Eksamens teruggestuur word. Merk die pak “Vir aandag: mnr E van Breda”.
7.3 Die koerier is geskeduleer om die pakkette met toetsboeke binne twee dae na afloop van die laaste toets op te laai. Indien pakkette vir die twee toetse nie teen Woensdag, 21 Junie 2006 opgelaai is nie, moet die Direktoraat onmiddellik in kennis gestel word deur 021- 467 2960/1 te skakel.
8. Let asseblief daarop dat intensiewe monitering van die administrasie van hierdie toetse sal plaasvind. Dit sal insluit onaangekondigde besoeke aan die skole deur amptenare van die nasionale Departement, kringbestuurders en lede van die Direktoraat: Kurrikulumontwikkeling om seker te maak dat alle prosedures gevolg word.
9. Let asseblief daarop dat hierdie toetse nie deel uitmaak van die bevorderingspunt vir graad 8-leerders nie en dat daar nie van hierdie leerders verwag word om spesifieke inhoud vir die toetse aan te leer nie aangesien vaardighede en die begrip van konsepte op ‘n vlak toepaslik op graad 8 getoets sal word.
10. Daar word nie van onderwysers verwag om hulle leerders se antwoorde na te sien nie. Die toetsboeke sal aan die RGN gestuur word, wat die nasienwerk en bepaling van die uitslae sal behartig. Elke skool sal sy uitslae en ‘n uitgebreide analise van die skool se prestasie ontvang. Elke leerder sal ‘n sertifikaat ontvang en dit is dus noodsaaklik dat u seker maak dat die name en toetsvlakke korrek aangeteken word gedurende registrasie.
11. Prinsipale en onderwysers word versoek om seker te maak dat die toetse op die geskeduleerde datums geskryf word op die tye soos voorgeskryf en dat die strepieskode-bywoningsregisters geteken word.


GETEKEN: A.P. CLAUSEN
HOOF: ONDERWYS
DATUM: 2006:05:04