1. Aansoeke word ingewag van persone wat wil optree as hoofnasieners, nasieners of moderatore vir die leerareas (lys van leerareas aangeheg) wat gedurende die Junie- en Oktober 2006 BVOO vlak 4-eksamen geskryf word. Hierdie persone moet voldoen aan die kriteria in paragraaf 2 hieronder.
2. Algemene kriteria
2.1 Onderwysondervinding: Toepaslike onderwysondervinding, insluitende onderwysondervinding op vlak 4 in die leerarea van toepassing
2.2 Kwalifikasies: ‘n Erkende driejarige onderwyskwalifikasie
2.3 Leerareavaardigheid.
3. Aansoeke
3.1 Aansoek moet gedoen word op die aangehegte aansoekvorm. ‘n Applikant moet ‘n afsonderlike kopie van die vorm voltooi vir elke leerarea waarvoor hy of sy aansoek doen.
3.2 Gewaarmerkte afskrifte van kwalifikasiesertifikate moet elke voltooide aansoekvorm vergesel. Indien hierdie dokumente nie by die aansoekvorm ingesluit word nie, sal die aansoek nie oorweeg word nie. Geen uitsonderings sal gemaak word nie en geen korrespondensie sal met aansoekers in hierdie verband gevoer word nie.
3.3 Alle aansoekvorms moet deur die prinsipaal of sentrumbestuurder (in die geval van opvoeders), en deur direkteure of gedelegeerde persone (in die geval van prinsipale,senior kurrikulumbeplanners, hoofkurrikulumbeplanners en kurrikulumadviseur’s) onderteken word. Vorms wat nie onderteken is nie sal aan die aansoekers teruggestuur word.
3.4 Alle aansoeke moet teen 28 April 2006 by die volgende adres ingedien word. Aansoeke wat na hierdie datum ontvang word, sal nie oorweeg word nie.
Hoof: Onderwys
Vir aandag: Me NM Janda/Me M Buys
Direktoraat Eksamens
Wes-Kaap Onderwysdepartement
Privaatsak X9114
Kaapstad
8000
4. Alle navrae, hetsy telefonies of skriftelik, moet gerig word aan een van die volgende:
Mnr M Cameron, tel. 021 467 2964; e-pos: mgcamero@pgwc.gov.za
Me NM Janda, tel. 021 467 2009; e-pos: njanda@pgwc.gov.za
Me M Buys at tel. 021 467 2993; e-pos: mbuys@pgwc.gov.za 
Eksamendirektoraat, faks 021 461 5628
5. Die nasientarief vir elke vak sal so spoedig moontlik bekend gemaak word. Elke moderator,hoofnasiener en nasiener wat verantwoordelik is vir die nasien en/of moderering van skrifte sal ooreenkomstig die Inkomstebelastingwet belas word.
6. Bring asseblief hierdie minuut onder die aandag van alle betrokke opvoeders, insluitend diegene wat met verlof is. Hierdie Direktoraat aanvaar geen verantwoordelikheid vir opvoeders wat nie betyds oor die inhoud van die omsendminuut ingelig is nie.


GETEKEN: A.P. CLAUSEN
HOOF: ONDERWYS
DATUM: 2006:03:30

Aansoekvorm en lys van Leerareas  (grootte: 21 KB)