1. Hoofde van inrigtings moet aansoeke om eksamentoegewings (bykomende tyd of enige ander alternatiewe of aangepaste wyse van eksaminering) vir leerders vir die Senior Sertifikaat-eksamen indien ooreenkomstig die riglyne vervat in Bylae A van Eksamen-omsendminuut 0015/99 van 3 September 1999. Indien u inrigting nie in besit is van hierdie beleidsdokument nie, kan dit van die Direktoraat: Eksamens verkry word.
2. Let asseblief daarop dat die sluitingsdatum vir aansoeke vir visueel-gestremde leerders met betrekking tot die 2006 Senior Sertifikaat-eksamen verander is na 15 Maart 2006. Die sluitingsdatum vir al die ander leerders is 30 Junie 2006.
3. ‘n Volledige professionele verslag (nie ouer as drie jaar nie) van ‘n medikus, paramedikus of sielkundige en ander stawende bewyse (toetsuitslae, eksamenuitslae, ens.) moet die voorgeskrewe aansoekvorm (Bylae B) vergesel.
4. Van 2006 moet ‘n fotostatiese afdruk van die leerder se identiteitsdokument alle aansoeke vergesel.
5. In gevalle waar daar aansoek gedoen word dat die leerder se swak spelvermoë of handskrifprobleem onder die eksaminator se aandag gebring moet word, moet voorbeelde van die leerder se geskrewe werk waarin die probleem duidelik toegelig word, ook ingedien word.
6. ‘n Duidelike uiteensetting van die leerder se probleem, soos dit in die klaskamer waargeneem word, moet gegee word. As die probleem ernstig is, moet toegewings wat vantevore in die leerder se skoolloopbaan gemaak is (byvoorbeeld ekstra tyd, speltoegewings, ens.), aangedui word. Daar moet spesifiek verwys word na die aard van die konsessies, bv. aantal minute per uur ekstra tyd toegelaat.
7. Aansoeke om bykomende eksamentyd weens onvoorsiene omstandighede soos arm- of vingerfrakture wat na bogenoemde sluitingsdatums voorkom, moet ook op die voorgeskrewe vorm ingedien word. In so ‘n geval kan die aansoekvorms, mediese sertifikate en ander stawende dokumente aan die Departement gefaks word by 021 461 5637. Die oorspronklike dokumente kan later per pos aangestuur word. In hierdie verband moet óf mnr J.C. Albertyn (tel. 021 467 2011) óf mnr H.A.J Coetzee (tel 021 467 2921) by die WKOD-hoofkantoor geskakel word en van die faks in kennis gestel word. Die Departement se beslissing rakende 'n aansoek om bykomende skryftyd, sowel as ander aanpassings, sal aan die hoof van die inrigting gestuur word en is, tensy anders gemeld, geldig vir die November- en die Februarie/Maart-aanvullende eksamen. Die hoof van die inrigting moet die betrokke opsiener en die leerder skriftelik van die besluit in kennis stel. Let asseblief daarop dat toestemming vir bykomende tyd vir alle interne eksamens tot en met die graad 12-eksamen in September, slegs deur die betrokke kringbestuurder verleen mag word. Inrigtings moet rekord hou van sodanige toegewings. Alle aansoeke moet deur die hoof van die inrigting aanbeveel en onderteken word. Bring asseblief die inhoud van hierdie eksamenminuut onder die aandag van alle betrokkenes.
8. Aansoeke om bykomende eksamentyd weens onvoorsiene omstandighede soos arm- of vingerfrakture wat na bogenoemde sluitingsdatums voorkom, moet ook op die voorgeskrewe vorm ingedien word. In so ‘n geval kan die aansoekvorms, mediese sertifikate en ander stawende dokumente aan die Departement gefaks word by 021 461 5637. Die oorspronklike dokumente kan later per pos aangestuur word. In hierdie verband moet óf mnr J.C. Albertyn (tel. 021 467 2011) óf mnr H.A.J Coetzee (tel 021 467 2921) by die WKOD-hoofkantoor geskakel word en van die faks in kennis gestel word.
9. Die Departement se beslissing rakende 'n aansoek om bykomende skryftyd, sowel as ander aanpassings, sal aan die hoof van die inrigting gestuur word en is, tensy anders gemeld, geldig vir die November- en die Februarie/Maart-aanvullende eksamen. Die hoof van die inrigting moet die betrokke opsiener en die leerder skriftelik van die besluit in kennis stel.
10. Let asseblief daarop dat toestemming vir bykomende tyd vir alle interne eksamens tot en met die graad 12-eksamen in September, slegs deur die betrokke kringbestuurder verleen mag word. Inrigtings moet rekord hou van sodanige toegewings.
11. Alle aansoeke moet deur die hoof van die inrigting aanbeveel en onderteken word. Bring asseblief die inhoud van hierdie eksamenminuut onder die aandag van alle betrokkenes.


GETEKEN: L.C. ARENDSE
HOOF: ONDERWYS
DATUM: 2006:02:16

Beleid (Bylae A van Eksamen-omsendminuut 15/99)  (grootte: 32 KB)
Bylae B (Aansoekvorm)  (grootte: 10 KB)