Beste Kollegas
1. |
Dankie vir u samewerking verlede jaar met ons interns om ‘n loodsnuusbrief vir Hoofkantoor uit te gee. Die projek was eintlik ‘n oefening wat hulle moes uitvoer om hulle internskap af te handel. Die oefening het ‘n waardevolle leergeleentheid vir almal van ons gebied.
|
2. |
Ons beplan nou om ‘n amptelike nuusbrief vir die hele WKOD uit te gee, wat ons aanvanklik aanlyn sal publiseer totdat ons begroting vir 2006/07 bevestig is. Ons hoop om mettertyd ‘n gedrukte weergawe uit te gee om dit wat reeds op die web beskikbaar is, te komplementeer. Die naam van die nuusbrief is tans WKOD-nuus.
|
3. |
Die oogmerk van WKOD-nuus is om lede van die onderwysgemeenskap op datum te hou van wat in onderwys in die Wes-Kaap gebeur, met ‘n besondere fokus op skole, kolleges, VKO- en BOOV-sentrums, OBOS’e en Hoofkantoor.
|
4. |
Ons beplan om die eerste uitgawe so gou as moontlik te publiseer na die bekendstelling van die Menslikekapitaal-ontwikkelingstrategie (MKOS). Ons kommunikasiestrategie is nou verwant aan die bekendstelling van die MKOS en dit maak dit moeilik om die nuusbrief nou van stapel te stuur.
|
5. |
Op hierdie stadium beplan ons om die gedrukte weergawe kwartaalliks uit te gee, afhangend van die begroting.
|
6. |
Ons sal dit waardeer indien u ons behulpsaam kan wees deur u mening aan ons deur te stuur. Ons het net notas nodig, wat verkieslik per e-pos gestuur word. Ons sal opvolg, waar nodig, en die res doen.
|
7. |
Die volgende is ‘n lys van tipiese stories wat ons in WKOD-nuus wil plaas. Laat ons asseblief weet indien enige hiervan op u personeel van toepassing is. Ongelukkig kan ons nie waarborg dat alle nuusbrokkies geplaas sal word nie, maar ons doen ons bes om te verseker dat billike, gebalanseerde en akkurate dekking verleen sal word aan wat in die onderwys in hierdie provinsie aan die gebeur is.
Konferensies en simposiums
Spesiale geleenthede
Beleidsontwikkelings
Beleidimplementering
Nuwe projekte
Projekopdaterings
Spesiale prestasies
Opleidingsprogramme
Navorsing
Bouprogramme
Installasies, nuwe toerusting
Onderwystegnologie
Toekomstige geleenthede
Besoekende BBP’s
Openbare-private vennootskappe
Personeelnuus, insluitende:
Toekennings
Gassprekers by konferensies en simposiums
Aanstellings
Bevorderings
Lang diens
Aftredes
Internasionale besoeke
Samewerking met ander nasionale en provinsiale departemente
Stokperdjies, belangstellings
Verskyning in die media (gedruk, TV, radio)
|
8. |
Ons sal natuurlik enige idees of voorstelle verwelkom wat u sou wou maak oor hoe ons ons prestasies kan vier en die uitdagings wat onderwys in hierdie provinsie in die gesig staar, die hoof kan bied.
|
9. |
Ons sien ook uit daarna om met distriks- en direktoraatnuusbriewe te werk, waar hulle uitgegee word, om effektiewe kommunikasie op alle vlakke en spesialisasie-areas binne die breë onderwysgemeenskap van die Wes-Kaap te verseker.
|
10. |
Personeel van die Direktoraat: Kommunikasie sal binnekort met u skakel om meer uit te vind oor wat in u direktorate en afdelings plaasvind. Ons sal dit baie waardeer indien u ons van hulp sal wees.
|
Vriendelike groete
GETEKEN: A.M. ATTWELL
HOOF: ONDERWYS
DATUM: 2006:02:08
|