| 1. |
Ter ondersteuning van die implementering van die Verdere Onderwys en Opleiding se Nasionale Kurrikulumverklarings (NKV's) gaan die WKOD 'n aantal gespesialiseerde vakverwante werkswinkels aanbied gedurende die laaste week van die eerskomende Desember-Januarie-skoolvakansie, vanaf 8 tot 12 Januarie 2007. (Sien Kurrikulumminuut 0091/2006).
|
| 2. |
Die doel van die Januarie-werkswinkels is om 'n gefokusde ondersteuningsprogram te verskaf om onderwysers in staat te stel om NKV-implementering in graad 10 en 11 te ondersteun.
|
| 3. |
Bylae A verskaf gedetailleerde besonderhede oor die vakke wat betrokke is wat betref datums, tye, plekke en kontakbesonderhede.
|
| 4. |
Onderwysers wat hierdie werkswinkel gaan bywoon, moet by die Hoofkantoor registreer. Die aangehegte registrasievorm (Bylae B) moet voorgelę word aan mnr J Randewijk by e-posadres jrandewijk@pgwc.gov.za of via faksno. 021 467 2258 teen 30 November 2006. Vir verdere inligting, kontak asseblief mnr J Randewijk by telefoonno. 021 467 2564/2585.
|
| 5. |
Om logistiese redes sal onderwysers wat nie registreer nie ongelukkig nie toegelaat word om die werkswinkel by te woon nie.
|
| 6. |
Vereistes vir werkswinkel
Onderwysers word versoek om die volgende beleids- en riglyndokumente, wat al reeds onder skole versprei is, na die vakoriënteringwerkswinkel te bring:
Nasionale kurrikulumvakverklarings
Leerprogramriglyne
Vakassesseringsriglyne
Nasionale Protokol oor Assessering
Riglyne vir IKT-integrasie met NKV-vakke in graad 10 - 12
Nuwe handboeke of ander relevante vakmateriaal
|
| 7. |
Onderwysers wat vervoeruitgawes wil terugeis, moet die volgende inligting na die werkswinkel saambring:
|
| 8. |
Onderwysers wat van openbare vervoer gebruik maak (bus- en treindienste) moet amptelike kwitansies aan hulle eisvorms vasheg. Onderwysers wat van minibus taxi's gebruik maak, moet óf kwitansies, óf indien hulle per minibustaxi reis, 'n brief van die prinsipaal voorlę wat die uitgawe wat aangegaan is, bevestig. Elke onderwyser moet 'n afsonderlike geverifieerde eis indien.
|
| 9. |
Kolom 7 van die aangehegte Bylae A verskaf inligting oor akkommodasie. Onderwysers van die landelike gebiede wat 100 km of meer (enkelrigting) aflę om die plek te bereik, kan elke nag oorbly vir die duur van die werkswinkel. Onderwysers sal vergoed word vir sodanige uitgawes, op voorwaarde dat afskrifte van oorspronklike kwitansie ingedien word. Eise moet op die laaste dag van die werkswinkel by die werkswinkelfasiliteerder ingedien word. Die WKOD sal egter nie onderwysers vergoed vir uitgawes aan privaat telefoonoproepe of alkoholiese drank nie.
|
| 10. |
Prinsipale word vriendelik versoek om
te hou by die registrasiedatum van 30 November 2006;
te verseker dat onderwysers ingelig word aangaande die werkswinkelvereistes, en
die inhoud van hierdie kurrikulumminuut onder die aandag te bring van alle graad 10 tot 12-onderwysers wat die vakke aanbied wat in Bylae A aangedui is.
|
GETEKEN: J.P. RAULT-SMITH
HOOF: ONDERWYS
DATUM: 2006:11:08
|