1. 'n Behoefteanalise wat oor die OBOS'e heen afgeneem is, dui op 'n behoefte aan basiese rekeningkundige opleiding vir graad 8- en 9-EBW-onderwysers wat geen formele rekeningkunde-opleiding as deel van hulle onderwyskwalifikasies ontvang het nie en wat probleme voorsien by die onderrig, leer en assessering van Leeruitkoms 3 en die gepaardgaande assesseringstandaarde van toepassing op Rekeningkunde.
2. In reaksie op hierdie behoefte word 'n vierdagwerkwinkel beplan vir Maandag, 8 Januarie tot Donderdag, 11 Januarie 2007 vir graad 8- en 9-EBW-onderwysers, soos aangekondig in Kurrikulumontwikkelingminuut 0091/2006. Bevoegde en ervare EBW-/Rekeningkunde-kurrikulumadviseurs is gekies om hierdie werkswinkels aan te bied, wat aan onderwysers die basiese kennis en vaardighede sal gee wat hulle benodig om Rekeningkunde op graad 8- en 9-vlak aan te bied. Bywoning word ten sterkste aangemoedig vir onderwysers wat nie oor 'n formele tersiêre rekeningkunde-kwalifikasie beskik nie en wat in 2007 EBW in die Senior Fase in skole sal aanbied. Die werkswinkel word beplan vir die begin van die jaar sodat onderwysers van die begin van die akademiese jaar af toegerus sal wees met die toepaslike kennis en vaardighede. Sien asseblief Bylae A vir meer inligting.
3. Dit is van kardinale belang dat leerders in graad 8 en 9 'n behoorlike grondslag moet ontvang. Hulle moet bevoegde onderrig en assessering ontvang met betrekking tot die Rekeningkunde-assesseringstandaarde. Prinsipale word dus versoek om hulle onderwysers aan te moedig om van hierdie geleentheid gebruik te maak.
4. Ten einde die WKOD in staat te stel om genoegsame afskrifte van die werkswinkel-materiaal voor te berei, moet onderwysers teen 27 Oktober 2006 vir die werkswinkel registreer. Skole moet dus die inligting in Bylae B invul en dit teen 27 Oktober 2006 óf elektronies by jegordon@pgwc.gov.za óf per faks by 021 467 2258 by mnr JO Gordon indien.
5. Ons stel u vroeë samewerking in hierdie verband op prys.


GETEKEN: J.P. RAULT-SMITH
HOOF: ONDERWYS
DATUM: 2006:10:14

Bylae A  (grootte: 7 KB)
Bylae B  (grootte: 10 KB)