1. Die Wes-Kaap Onderwysdepartement (WKOD) gaan, ter ondersteuning van die implementering van die NKV, 'n aantal gespesialiseerde vakverwante werkswinkels aanbied gedurende die laaste week van die skoolvakansie in Desember/Janurie 2007, d.w.s. van 8 tot 12 Januarie 2007.
2. Daarbenewens word kennis gegee van verdere ondersteuningsprogramme wat gedurende die skoolvakansie in Maart en April 2007 aangebied sal word.
3. Die oogmerk van hierdie werkswinkels is om onderwysers te ondersteun met die implementeringsproses van die NKV in graad 10 en 11 en om onderwysers en leerders op die Nasionale Senior Sertifikaat in 2008 voor te berei.
4. Die aangehegte bylae voorsien 'n oorsig oor die komende werkswinkels. Dit bevat inligting oor die werkswinkels, die betrokke vakke en die teikengroepe.
5. Onderwysers van die teikengroepe moet vir hierdie werkswinkels registreer. Meer inligting sal gedurende die vierde kwartaal van hierdie jaar en gedurende die eerste kwartaal van 2007 voorsien word.
6. Skakel met mnr T Smit by 021 467 2630 op per e-pos by tcessmit@pgwc.gov.za. vir meer inligting.
7. Bring asseblief die inhoud van hierdie minuut onder die aandag van al die betrokke onderwysers.


GETEKEN: D.R. SHEPHERD
HOOF: ONDERWYS
DATUM: 2006:09:21

Bylae A  (grootte: 9 KB)