| 1. |
Die Witskrif oor e-Onderwys (September 2004) noem in die inleiding: dat daar tans ‘n wêreldwye revolusie in onderwys en opleiding plaasvind. Dit word aangevuur deur die veranderende aard van werk, die werklikhede van die inligtingseeu, nuwe wêreldwye vennootskappe en ‘n bewustheid van die behoefte aan gelyke verdeling van onderwysgeleenthede.
|
| 2. |
Gevolglik kry leerders in die Wes-Kaap toegang tot rekenaars en ander digitale bronne as ‘n integrale deel van hulle voorbereiding vir die Nasionale Senior Sertifikaat ‘n Aantal vakke spesifiseer die gebruik van digitale bronne sodat leerders die leeruitkomste kan bereik. Leerders wat Rekenaartoepassingstegnologie neem, sal met aanvang van 2006 rekenaars van die begin van graad 10 af gebruik. Die volgende vakke geniet nasionale prioriteit vir die gebruik van rekenaars deur leerders vanaf 2007: Rekeningkunde, Siviele Tegnologie, Ontwerp, Elektriese Tegnologie, Ingenieursgrafika en -ontwerp, Aardrykskunde, Lewensoriëntering, Meganiese Tegnologie, Toerisme en Visuele Kunste Ander vakke sal ook baatvind by die gebruik van digitale bronne.
|
| 3. |
Digitale bronne sluit leer- en onderrigmateriaal in van die Wêreldwye Web, CD ROM’s en televisieuitsendingsmedia. Onderwysprogrammatuur en -toepassings word soms met rekenaarverwante apparatuur soos interaktiewe witborde, aanduiders (probes), sensors, sleutelborde en ander rekenaarbeheerde toerusting geassosieer.
|
| 3.1 |
EDULIS en elke OBOS-bronnesentrum beskik oor ‘n alleenstaande rekenaar waarop Associated Distributors of Educational Supplies in Southern Africa (http://www.adessa.org.za) periodiek nuwe programmatuur laai sodat onderwysers in VOO en AOO hulleself kan vergewis van watter onderwysprogrammatuur plaaslik verkrygbaar is. Die katalogus vir hierdie programmatuur kan gevind word op die EDULIS-webtuiste by http://edupals.wcape.gov.za.
|
| 3.2 |
Die WKOD het seker gemaak dat departementele skole wat VOO aanbied toegang sal hê tot Mindset Multimedia, video- en gedrukte materiaal ter ondersteuning van Engels, Wiskundige Geletterdheid, Fisiese Wetenskappe en finansiële geletterdheid. Khanya-projekbestuurders sal in hierdie verband met skole skakel en onderwysers oplei in die gebruik van hierdie fasiliteit.
|
| 3.3 |
Die WKOD het ook gereël dat alle skole in die Wes-Kaap, openbaar sowel as onafhanklik, wat AOO en VOO aanbied, toegang sal hê tot Rubricate programmatuur, om onderwysers in staat te stel om merkskemas vir assessering in graad R tot 12 saam te stel. Skole wat oor rekenaars beskik, sal ingelig word wanneer opleiding sal plaasvind in die loop van 2006 tot 2008.
|
| 4. |
Riglyne vir integrasie van IKT met NKV-vakke in graad 10 tot 12 sal in Februarie aan skole versend word om hulle te help om IKT by onderrig en leer te inkorporeer. Die onderwerpe sluit in die algemene gebruik van IKT oor alle VOO-vakke heen, die gebruik van IKT in elke spesifieke vak, onderwysprogrammatuur en hoe om dit te evalueer, die gebruik van die Internet in elke vak, en digitale hulpbronne wat deur die WKOD verskaf word. Dit sal ook moontlik wees om hierdie dokument van die Digitale Hulpbronne se webtuiste by http://curriculum.wcape.school.za/ site/113 af te laai wanneer dit aan die einde van Februarie openbaar toeganklik gemaak word.
|
| 5. |
Met die oog daarop om onderwysers voor te berei op die integrasie van IKT in VOO-vakke, sal opleiding in elke vak voortgaan gedurende 2006, 2007 en 2008. Skole sal betyds in kennis gestel word van elk van hierdie kursusse.
|
| 6. |
Indien u enige navrae het, skakel met die kurrikulumbeamptes verantwoordelik vir die integrasie van IKT in VOO, nl. me A. Lowenherz (021 467 2621, alowen@pgwc.gov.za) en me A Basha (021 467 2569, anbasha@pgwc.gov.za).
|
GETEKEN: J.P. RAULT-SMITH
HOOF: ONDERWYS
DATUM: 2006:01:27
|