| 1. |
Die 2006 Internasionale Kunskompetisie is vanjaar georganiseer deur die Nasionale Sentrum vir Kinderkultuur in die Egiptiese Ministerie van Kultuur.
|
| 2. |
Die kunskompetisie is oop vir alle leerders tussen die ouderdom van 4 tot 18 jaar. die tema van die kompetisie is Egipte deur die oë van die kinders van die wêreld.
|
| 3. |
Die sluitingsdatum vir aansoeke is 30 November 2006.
|
| 4. |
Besonderhede van die kompetisie is te vind in Bylae A.
|
| 5. |
Die Wes-Kaap Onderwysdepartement (WKOD) ondersteun hierdie inisiatief aangesien dit aan leerders die geleentheid verskaf om hulle visuele kuns, ontwerpvaardighede en kreatiwiteit internasionaal ten toon te stel.
|
| 6. |
Kuns & Kultuur-onderwysers word aangemoedig om die kompetisietema te gebruik om die AOO se Kuns-en-Kultuurkurrikulum (graad R - 9) te versterk en te verryk.
|
| 7. |
Leerders wat die WKOD se nuwe Kuns & Kultuur-fokusskole bywoon en dié wat die AOO se Kuns & Kultuur se gespesialiseerde leerbaan (Visuele Kunste) in graad 8 & 9 volg word veral aangemoedig om aan hierdie kompetisie deel te neem.
|
| 8. |
Om aan die kompetisievoorskrifte te voldoen sal van alle graad kompetisiedeelnemers van graad 10 - 12 watVisuele Kunste en Ontwerp neem verwag om Egipte se kultuur en erfenis na te vors, asook sy unieke bydrae tot kuns, argitektuur, ontwerp en kunsvlyt om sodoende die implementering van die nuwe VOO-sillabus vir Visuele Kunste en Ontwerp te ondersteun.
|
| 9. |
Lig asseblief al u personeellede in van die inhoud van hierdie omsendbrief.
|
GETEKEN: J.P. RAULT-SMITH
HOOF: ONDERWYS
DATUM: 2006:09:20
|