| 1. |
Die jaarlikse Afrikaanssimposium vir Afrikaansonderwysers sal op Vrydag 16 Februarie 2007 van 13:00 tot 18:00, en op Saterdag 17 Februarie 2007 van 9:00 tot 13:30, by die Universiteit van Wes-Kaapland aangebied word.
|
| 2. |
Daar word beoog om volgende jaar ook die voorgeskrewe werke van graad 11 (Huis-, Eerste Addisionele en Tweede Addisionele Taal) by die simposium te behandel.
|
| 3. |
Aangesien ons heelwat inskrywings verwag, is dit belangrik om vooraf vas te stel hoeveel onderwysers die simposium gaan bywoon sodat die nodige logistieke reëlings getref kan word. Skole word dus versoek om meegaande vorm te voltooi en dit teen nie later as 20 Oktober 2006 aan me. Janine Pekeur by (021) 959 1249 te faks. Geliewe daarop te let dat meegaande vorm nie die inskrywingsvorm is nie. Die inskrywingsvorm en ander relevante inligting sal eers teen die einde van die vierde kwartaal gestuur word.
|
| 4. |
Ons wil ook die leerders by volgende jaar se LOK-simposium betrek. Derhalwe word 'n kompetisie vir gr. 11-leerders (Afrikaans Eerste en Tweede Taal) gereël.
|
| 5. |
Leerders moet 'n stelstuk van ongeveer 150-200 woorde skryf waarin hulle onder andere vertel van 'n boek (fiksie of nie-fiksie) wat hulle gelees het, waarom hulle van die boek gehou het en waarom hulle dit sal aanbeveel.
|
| 6. |
Die drie beste stelstukke van die skool (Eerste en Tweede Taal) moet aan die betrokke kurrikulumadviseurs in die onderskeie OBOS'e per e-pos gestuur word. Die e-pos adresse van die kurrikulumadviseurs is aangeheg.
|
| 7. |
Die drie beste inskrywings van die provinsie sal pryse ontvang.
|
| 8. |
Die sluitingsdatum is Vrydag 27 Oktober 2006.
|
| 9. |
Bring asseblief die inhoud van hierdie minuut onder die aandag van alle betrokkenes.
|
GETEKEN: J.P. RAULT-SMITH
HOOF: ONDERWYS
DATUM: 2006:09:15
|