1. Inleiding

Regte bestuur van die eksamen by `n onderysinstansie is `n belangrike deel van die hele eksamenstelsel. Skoolhoofde, ingevolge Omsendbriewe 0137/2002 en 0193/2003 tree op as die hoofeksamenbeamptes en is gevolglik aanspreeklik vir die eksamenproses by hul inrigting.

Alhoewel daar nie verwag word dat die skryf van enige Senior Sertifikaat- of BOOV vlak 4-eksamenvraestel in 2006 ontwrig sal word nie, is dit noodsaaklik dat daar `n volledige risikobestuurplan by elke inrigting ontwikkel word teen moontlike ontwrigting van die normale skryf van die eksamen.


2. Gebeurlikheidsplan vir `n noodtoestand
2.1 Aangesien daar verskillende soorte noodgevalle is, het die WKOD die volgende prosedure ontwikkel wat bedoel is om alle situasies te dek waar dit nodig is om die ernstige gevolge van 'n noodontruiming tot 'n minimum te beperk. Dit is belangrik dat alle inrigtings wat kandidate vir hierdie eksamens voorberei dieselfde basiese prosedure sal volg.
2.1.1 Indien 'n noodtoestand sou ontstaan voordat kandidate begin skryf, mag hulle nie die eksamenlokaal/-lokale betree voordat hulle aangesê word om dit te doen nie. Hulle moet egter van ander groepe afgesonder word en onder toesig bly.
2.1.2 Indien 'n noodtoestand sou ontstaan terwyl kandidate nog skryf en dit gevolglik noodsaaklik sou wees om die lokaal te ontruim, moet kandidate opdrag ontvang
  • om al hulle boeke toe te maak en op hulle banke te laat;

  • om een vir een die lokaal te ontruim onder die voortdurende toesig van die opsiener(s) in beheer van daardie lokaal en die hoofopsiener, en die oorhoofse toesig van die prinsipaal. Bykomende onderwysers (uitgesonderd dié wie se vak geskryf word), kan versoek word om te help om toesig te hou en te sorg dat die kandidate

  • nie met mekaar op enige manier praat of kommunikeer nie;

  • nie enige boeke of papiere by hulle het nie;

  • nie in besit van 'n selfoon is nie;

  • op 'n geskikte plek op die terrein op 'n afstand van mekaar sit sodat geen kommunikasie kan plaasvind nie;

  • in stilte terugkeer na die eksamenlokaal wanneer hulle verlof kry om dit te doen en voortgaan met skryf van waar hulle opgehou het.

2.1.3 Kandidate behoort na hulle terugkeer die oorblywende tyd gegee word vir die voltooiing van die eksamen, met ander woorde, die totale tyd vir die vraestel min die tyd wat reeds gebruik is voordat die ontruiming plaasgevind het.
2.2 Die prinsipaal, die hoofopsiener en die ander opsieners moet te alle tye beheer uitoefen oor die kandidate en elke opsiener moet verantwoordelikheid aanvaar vir sy of haar groep kandidate.
2.3 In die geval van 'n ontruiming moet die kringbestuurder of OBOS-direkteur onmiddellik in kennis gestel word. Die kringbestuurder sal probeer om die skool onmiddellik te besoek ten einde die prosedures wat deur die skool gevolg word, te kan verifieer. Die kringbestuurder moet, vanaf die tyd dat hy of sy by die skool aankom die situasie fyn dophou.
2.4 Versuim om die ontruiming presies op die voorgeskrewe wyse uit te voer, sal die geldigheid van die eksamen in die gedrang bring en die gevolg mag wees dat alternatiewe opsies gevolg moet word, soos om `n ander gemodereerde vraestel aan die einde van die eksamenperiode te skryf of die aanvullende eksamen vir die vak in Februarie/Maart 2007 skryf. (net Senior Sertifikaat).
2.5 Prinsipale moet kandidate inlig oor die skool se gebeurlikheidsplanne indien enige ontruiming nodig sou wees en ook van die ernstige gevolge indien so 'n ontruiming nie behoorlik uitgevoer word nie.
2.6 In die onwaarskynlike geval dat 'n nasionale of 'n provinsiale vraestel oorgeskryf moet word, sal die WKOD alle prinsipale onmiddellik daarvan in kennis stel. So 'n vraestel sal dan heelwaarskynlik binne een of twee dae na die laaste eksamen op die rooster, dit wil sê na 22 November 2005, geskryf word.

3. Risikobestuur
3.1 Skoolhoofde behoort die volgende kontrolelys te gebruik om hulle te help om moontlike risiko's te identifiseer ten opsigte van die afneem van die eksamen en om hulle risikobestuurplan daarvolgens op te stel.
3.2 Enige ontwrigting in die eksamenproses of foutiewe oopmaak van eksamenvraestelle moet onmiddellik by een van die volgende WKOD-beamptes aangemeld word:
Hoofonreëlmatigheidsbeampte:
Me J Rault-Smith 021 467 2622 or 082 448 1801

Onreëlmatigheidsbeamptes: 
Mnr T Magwaca 021 467 2626
Mnr J. Parbhoo 021 467 2572


GETEKEN: J.P. RAULT-SMITH
HOOF: ONDERWYS
DATUM: 2006:06:19

Kontrolelys  (grootte: 7 KB)