1. Die Masifunde Maqela Leesprojek ondersteun die Wes-Kaap Onderwysdepartement (WKOD) se Geletterdheid en Syferkundigheidstrategie deur stelle leesboeke te voorsien aan graad 4 tot 7. Skole in die laer sosio-ekonomiese kwintiele sal een pakket ontvang wat uit 16 stelle gegradeerde leesboeke per klas vir graad 4 tot 7 bestaan. Skole in die boonste kwintiele mag een eksemplaarpakket van enige een van die beskikbare graadvlakke uitsoek. Die WKOD befonds hierdie inisiatief.
2. Boekpakkette is beskikbaar in Engels, Afrikaans en Xhosa, of in ‘n kombinasie van hierdie tale, om sodoende die ontwikkeling van moedertaalonderrig te ondersteun, aangesien moedertaalonderrig bewys is as die mees suksesvolle metode om leerders van graad R tot 6 te onderrig.
3. Elke skool sal ook ‘n DVD ontvang waarin die groepleesmetode geïllustreer word, sowel as ‘n handleiding oor hoe om groep- en begeleidende lees in graad 4- tot 7-klaskamers aan te bied.
4. Uitgewers is gekontrakteer om ‘n drie-uur opleidingsessie aan te bied. Hulle sal die skole wat aan hulle toegeken is, skakel om te reël dat opleidingsessies tussen Oktober 2006 en Februarie 2007 gehou word.
5. Onderwysers mag met groeplees begin gedurende taallesse of tydens die verpligte daaglikse leeshalfuur.
6. Die leespakkette sal uitgestal word op sekere plekke en onderwysers word uitgenooi om hulle eie leespakkette te kies om te verseker dat hulle ‘n pakket ontvang wat by die gemiddelde leesvlak van hulle leerders aanpas. OBOS-ondersteuningspersoneel en NRO’s word uitgenooi om die boeke saam met die onderwysers te besigtig en om hulp aan onderwysers te bied t.o.v. gepaste keuses. Mee V Kohler en N Dodgen sal ook by al die boekuitstallings wees om onderwysers by te staan. Die datums, tye en lokale vir besigtiging verskyn hieronder. Onderwysers mag enige boekuitstalling van hulle keuse bywoon.
DatumUre vir besigtigingLokaal waar boeke uitgestal word
(Onderwysers mag enige boekuitstalling van hulle keuse bywoon.)
Ma., 11 Sept13:00 – 17:00Sportsaal, langs Kaapse Onderwysinstituut. (KOI), Nooiensfonteinweg, Kuilsrivier
Di., 12 Sept13:00 – 17:00Sportsaal, langs Kaapse Onderwysinstituut. (KOI), Nooiensfonteinweg, Kuilsrivier
Wo., 13 Sept13:00 – 17:00Sportsaal, langs Kaapse Onderwysinstituut. (KOI), Nooiensfonteinweg, Kuilsrivier
Do., 14 Sept13:00 – 17:00Oudtshoorn Onderwysersentrum, Vredestraat
Vr., 15 Sept13:00 – 17:00EMDC, Room 403, George
Ma., 18 Sept13:00 – 17:00Augsburg Landbougimnasium, Clanwilliam
Di., 19 Sept13:00 – 17:00Swartberg Sekondêre Skool Koalisiestraat 10, Caledon 7230
Wo., 20 Sept13:00 – 17:00Worcester-Oos Primêre Skool, Sutherlandstraat, Worcester
7. Rekwisisievorms sal beskikbaar wees by die boekuitstallings. Alle rekwisisies moet deur die skoolhoof geteken word. Onderwysers mag egter ‘n brief bring wat deur die prinsipaal geteken is en die skoolstempel vertoon, wat die onderyser(s) magtig om die keuse namens die skool te maak.
8. Waar dit nie vir ‘n skool moontlik is om ‘n verteenwoordiger te stuur om die keuse te maak nie, sal geskikte pakkette van boeke vir die skool gekies word op grond van die geletterdheidsvlak wat die skool in die graad 3- en 6-WKOD-geletterdheidstoetse behaal het.
9. Alle rekwisisies vir hierdie projek moet teen 22 September 2006 ingelewer word. Die WKOD sal nie betaal vir enige rekwisisies wat na daardie datum ingelewer is nie.
10. Die leespakkette sal teen 25 Januarie 2007 afgelewer word.
11. Enige navrae aangaande die Masifunde Maqela-leesprojek moet aan me Zandile Ntombela by telefoon 021 467 9334 gerig word.
12. Volgens navorsing is daar drie vereistes vir goeie geletterdheid:
(i) Bevoegde en toegewyde onderwysers

(ii) Genoegsame en geskikte leesmateriaal

(iii) Uitgebreide geleenthede vir lees

Hierdie projek is bedoel om die vereistes te steun deur onderrig en ondersteuning aan te bied vir onderwysers, sowel as addisionele leesmateriaal vir gebruik tydens taalonderrigtydgedurende die leeshalfure en selfs wanneer die leerders tuis is.
13. Die WKOD wil graag alle onderwysers en prinsipale bedank wat so snel gereageer het op die oproep om die geletterdheidsvlakke van kinders in ons skole te verbeter. Ons vertrou dat hierdie projek hulle taak sal vergemaklik.


GETEKEN: J.P. RAULT-SMITH
HOOF: ONDERWYS
DATUM: 2006:09:11