| 1. |
Die WKOD se Geletterdheid en Syferkundigheidstrategie is ‘n reaksie op die lae vlakke, oor die algemeen, van geletterdheid en syferkundigheid wat geïdentifiseer is. Ingevolge hierdie strategie het die WKOD ‘n aantal intervensieaktiwiteite onderneem wat insluit die assessering van graad 3-leerders elke alternatiewe jaar om die vlakke van geletterdheid en syferkundigheid in die provinsie, in ‘n OBOS en in die meeste primêre skole vas te stel. Die ontleding van die prestasie van leerders in ‘n skool is bedoel om aan onderwysers en onderwysondersteuningspersoneel insig te gee in hoe die leerders van elke skool hulle geletterdheids- en syferkundigheidsvaardighede uitbou en om aan hulle die gepaste ondersteuning te bied.
|
| 2. |
Die eerste twee graad 3-toetse is in 2002 en 2004 afgeneem. Presies dieselfde items is in albei toetse gebruik om die standaard te bepaal en in staat te wees om geldige vergelykings van uitslae te tref. Die databasis van vrae is nou deur middel van ‘n itembank uitgebrei, om sodoende addisionele items van presies dieselfde standaard te verskaf. Die WKOD is dus in staat om ‘n aantal van die items vry te stel (aangeheg), wat sal dien om aan onderwysers ‘n idee te gee van die tipe, inhoud en formaat van die vrae wat in die provinsiale assesseringstoetse ingesluit is. In die Syferkundigheidvoorbeelde is gelyksoortige items gekies wat wissel van graad 1 tot graad 3. In die Geletterdheidsvoorbeelde, is die verskillende take gemik op vir verskillende grade, om sodoende vordering te toon.
|
| 3. |
Die items is NIE beskikbaar gestel met die bedoeling dat onderwysers met die oog op die toets die items deur middel van gedekontekstualiseerde oefeninge moet indril nie. Die doel is eerder om aan onderwysers te wys dat die toetse wel die leeruitkomste van die Nasionale Kurrikulumverklaring assesseer, en dat hulle, deur deeglik vertroud te raak met die kennis, waardes en houdings regoor die kurrikulum, binne ‘n betekenisgesentreerde konteks, hulle leerders voldoende vir die volgende rondte toetse sal kan voorberei.
|
| 4. |
Inrigtings en organisasies buite die WKOD mag die materiaal gebruik op voorwaarde dat dit nie met ‘n winsoogmerk gedoen word nie en die bron duidelik erken word.
|
| 5. |
Terugvoer van enige gebruiker sal waardeer word en kan gerig word aan die Hoofkurrikulumadviseurs by die OBOS’e of aan die Direkteur: Kurrikulumontwikkeling.
|
| 6. |
In die toekoms sal toetse wat deur graad 6-leerders afgelê word ook in Xhosa beskikbaar wees.
|
| 7. |
Die WKOD wil graag sy dank uitspreek teenoor die skole en onderwysers wat hierdie bronmateriaal gaan gebruik om krities met die kurrikulum om te gaan en om kurrikulumontwikkeling te doen. Skakel asseblief u OBOS se Grondslagfase kurrikulumadviseur vir die vir verdere hulp en leiding.
|
GETEKEN: J.P. RAULT-SMITH
HOOF: ONDERWYS
DATUM: 2006:09:11
|