1. Die nasionale Departement van Onderwys (DvO) se lys van leer- en onderrigondersteunings-materiaal (LOOM) vir graad 11 in 2007 is ingesluit.
2. Die DvO en die Wes-Kaap Onderwysdepartement (WKOD) wil graag verseker dat LOOM van ‘n goeie gehalte in die skole gebruik word. Om dit te verkry, is uitgewers versoek om hulle graad 11-handboeke vir evaluering voor te lę. Die evaluering is deur die DvO onderneem.
3. Met die getal items wat betrokke is en die soort inligting wat ingesluit is, is die lys van goedgekeurde materiaal getabuleer om dit makliker te maak om te lees. Die vakke is alfabeties georden (tale ingesluit) en net in Engels beskikbaar. Binne elke vak is titels gerangskik onder die verskillende uitgewers, met die uitgewers in alfabetiese orde gerangskik. Die inhoudsvakke is gegroepeer in die taalmediums waarin hulle voorgelę is
4. Dit is belangrik om daarop te let dat, behalwe die handboeke, daar verskeie ander soorte leerstof in die lys voorkom wat daarop gemik is om onderwysers en leerders te ondersteun om sillabus-uitkomste te bereik. Die soorte leerstof sluit die volgende in:
  • Handboeke vir leerders

  • Onderwysersgidse

  • Leerderwerkboeke (of aktiwiteitsboeke)

5. Wanneer skole hierdie boeke aankoop of aanvra, moet hulle versigtig besluit watter komponente van die pakket of stel noodsaaklik is en die prys van daardie stel bereken.
6. Let asseblief daarop dat, behalwe spesiale projekte, WKOD-skole vry is om boeke van hulle eie keuse te kies, en dat die aangehegte lys nie voorskriftelik is nie, maar bedoel is om as ‘n gids te dien.
7. Indien u enige navrae het, kontak asseblief mnr T Smit by telefoonnommer 021- 467 2630.


GETEKEN: J.P. RAULT-SMITH
HOOF: ONDERWYS
DATUM: 2006:08:29

LOM vir Graad 11  (grootte: 114 KB)