| 1. |
Kurrikulumontwikkelingminuut 0071/2006 dui aan dat voorbeeldvraestelle vir graad 10 aan die einde van Augustus 2006 aan alle skole in Suid Afrika voorsien gaan word. Hierdie inisiatief is bedoel om skole met hulle voorbereiding vir die Nasionale Senior Sertifikaat in 2008 te help.
|
| 2.1 |
Edumedia het laserskywe (CD's) gemaak waarop hierdie voorbeelde gelaai is en sal hulle teen kosprys aan skole verkoop. Dieselfde voorbeelde is op die Webblad van die Direktoraat: Kurrikulumontwikkeling beskikbaar by die volgende adres:
http://curriculum.wcape.school.za/index/n/v/1128
Skole wat hierdie CD's wil aankoop, moet asseblief met me Roz de Muynk of mnr Alistair Shedden skakel by (021) 689 9536.
|
| 2.2 |
Skoolhoofde behoort die oorsiglys wat voorsien is te gebruik om seker te maak dat alle graad 10-voorbeeldvraestelle wat deur die skool benodig word, verskaf is.
|
| 2.3 |
Skoolhoofde behoort ook seker te maak dat die voorbeelde doeltreffend deur hul vakspanne gebruik word om hulle finale graad 10-vraestelle op te stel. Onder geen omstandighede behoort die voorbeelde as die finale eksamen gebruik te word.
|
| 2.4 |
Skole word genooi om kommentaar op hul briefhoof oor die vraestelle vir graad 10 aan die Direkteur Kurrikulumontwikkeling te faks by 021 467 2620 met die opskrif : Graad 10 nasionale voorbeeldvraestelle
|
| 3. |
Die Wes-Kaap Onderwysdepartement wens alle onderwysers en leerders sterkte toe gedurende hierdie uitdagende tyd van verandering binne onderwys in Suid Afrika.
|
GETEKEN: J.P. RAULT-SMITH
HOOF: ONDERWYS
DATUM: 2006:09:01
|