| 1.1 |
Die eerste Nasionale Senior Sertifikaat (NSS) sal in 2008 in die vakke wat in die Nasionale Kurrikulumverklaring geregistreer is, afgelê word. Om skole te help om vir hierdie historiese eksamen voor te berei, het die nasionale Departement van Onderwys (DvO) aangedui dat graad 10 en 11 in 2006 en 2007 onderskeidelik ondersteun sal word.
|
| 1.2 |
Die DvO het eksamenpanele aangestel en opgelei ter voorbereiding vir die NSS-eksamens in 2008. Hierdie eksamenpanele sal voorbeeldvraestelle vir graad 10 in 2006 en graad 11 in 2007 opstel.
|
| 2.1 |
In graad 10 tel take wat gedurende die jaar gedoen word 25% en die eksamen aan die einde van die jaar 75% van die totale punt. Alle verslae aan ouers moet al die assesseringtake van die formele program van assessering vir 'n kwartaal insluit, bv. praktiese punte, mondelingpunte, punte van ander formele take en eksamens.
|
| 2.2 |
Voorbeeldvraestelle vir graad 10 gaan teen die einde van Augustus 2006 aan alle skole in die land voorsien word.
|
| 2.3 |
Skole behoort hierdie voorbeelde te gebruik as riglyne by die opstel van hulle eie graad 10- vraestelle ten opsigte van die soort vrae en vlak van vrae. Skole mag egter nie hierdie voorbeeldvraestelle vir die finale eksamen gebruik nie. Die OBOS sal skole moniteer om seker te maak dat skool-eksamens vir graad 10 wat die standaard en formaat betref met die voorbeeldvraestelle ooreenstem.
|
| 2.4 |
Skole word genooi om kommentaar oor die nasionale vraestelle vir graad 10 na die Direkteur: Kurrikulumontwikkeling te faks by 021 467 2620. Die kommentaar moet op ‘n skoolbriefhoof voorgelê word met die opskrif : Graad 10 nasionale voorbeeldvraestelle
|
| 2.5 |
Alle skole behoort 'n drukstuk van hulle finale graad 10-uitslae teen 2 Desember 2006 aan hulle plaaslike OBOS te voorsien vir voorlegging aan mnr J Parbhoo te Hoofkantoor teen 6 Desember 2006 op die laatste. Die voorgeskrewe formaat sal aan OBOS’e voorsien word.
|
| 3.1 |
Die DvO gaan ook 'n graad 10 gidsprojek in sekere skole in die provinsie in 2006 aanpak.
|
| 3.2 |
Spesiale vraestelle sal deur die DVO vir hierdie doel opgestel word en skole sal vir die druk van die vraestelle vir die leerders verantwoordelik wees.
|
| 3.3 |
Die gidsprojek sal volgens 'n gemeenskaplike eksamenrooster van die DVO in November 2006 geskryf word.
|
| 3.4 |
Net skole wat alreeds vir hierdie projek gekies is, sal toegelaat word om die gidsprojek- vraestelle te skryf. Geen aansoeke van nie-gidsskole om die vraestelle te skryf sal oorweeg word nie.
|
| 3.5 |
Die vraestelle van die gidsprojek sal vroeg in 2007 aan alle skole voorsien word.
|
| 4.1 |
Die nasionale DVO sal in 2007 'n volledige eksamen vir graad 11 volgens ‘n nasionale rooster afneem as voorloper tot die finale eksamen in graad 12 in 2008.
|
| 4.2 |
Verdere besonderhede vir graad 11 sal teen einde van 2006 aan skole voorsien word sodat skole daarvolgens vir 2007 kan beplan. Alle skole moet vierde kwartaal oorwegend gebruik vir die afneem van die nasionale eksamen. Dit word dus sterk aanbeveel dat skole geen eksamens in die derde kwartaal skryf nie, maar die tyd nuttig aanwend vir onderrig en leer.
|
| 4.3 |
Alle skole sal van vraestelle voorsien word voor die eksamens begin en alle sekuriteitsreëlings wat normaalweg vir die graad 12-eksamen geld, sal ook op hierdie eksamen van toepassing wees.
|
| 4.4 |
Memoranda sal aan skole gestuur word na elke vraestel geskryf is.
|
| 4.5 |
Onderwysers sal die skrifte van die nasionale vraestelle nasien en hulle punte op 'n provinsiale punteblad inlewer.
|
| 4.6 |
Die eksamenpanele van die DvO gaan ook voorbeeldvraestelle vir graad 11 opstel vir verspreiding teen Maart 2007.
|
| 5. |
Die opstel van graad 10-voorbeeldvraestelle en die graad 11-nasionale eksamen vir 2006 en 2007 onderskeidelik sal ‘n tussentydse reëling wees.
|
| 6. |
Bring asseblief hierdie maatreëls om te verseker dat leerders voldoende voorbereid is op die eise van die Nasionale Senior Sertifikaat-proses onder die aandag van alle onderwysers, ouers en leerders.
|
GETEKEN: J.P. RAULT-SMITH
HOOF: ONDERWYS
DATUM: 2006:08:23
|