| 1. |
Volgens die Assesseringsriglyne vir vakke in die Nasionale Kurrikulumverklaring (Graad 10 – 12) word aanbeveel dat skole twee eksamens gedurende `n kalenderjaar skryf. Een eksamen moet verkieslik in die middel van die jaar afgelê word en die ander behoort aan die einde van die jaar geskryf te word.
|
| 2. |
Die WKOD beveel sterk aan dat geen eksamen gedurende September 2006 geskryf word nie, maar dat die tyd eerder vir die onderrig van studievaardighede en vir normale onderwys en leertyd benut word. Dit word aanbeveel dat ‘n reeks lesse wat altesaam omtrent 5 uur sal duur by die skool aangebied word om leerders te help om die waardevolle vaardighede wat vir eksamens benodig word, te verkry.
|
| 2.1 |
Skole wat hierdie tyd aan studievaardigheidslesse gaan bestee, word uitgenooi om die aangehegte vorm in te vul sodat elke graad 10-leerder by die skool `n Studievaardighede-boekie van Edumedia kan kry. Een Studievaardighede-boekie kan ook vir elke Lewensoriëntering-onderwyser in graad 10 bestel word (maksimum 3).
|
| 2.2 |
Onderwysers moet hulp van die hoofkurrikulumadviseur by hulle Onderwysbestuurs-en-ontwikkelingsentrum (OBOS) aanvra indien hulle verdere hulp nodig het om die boekie te behandel.
|
| 2.3 |
Die boeke sal deur Edumedia (in Mowbray, Kaapstad) aan skole voorsien word en sal deur die Direktoraat Kurrikulumontwikkeling befonds word.
|
| 3. |
Skole word ernstig versoek om hulle bestelvorms aan te stuur na faks: 021 685 7421 of dit te e-pos aan edumedia@pgwc.gov.za teen 25 Augustus 2006.
|
GETEKEN: J.P. RAULT-SMITH
HOOF: ONDERWYS
DATUM: 2006:08:16
|