| 1. |
Die nasionale Departement van Onderwys nooi, in samewerking met South African History Online alle skole uit om deel te neem aan die Nasionale Mondelingegeskiedenis-kompetisie vir Skole, die Nkosi Albert Luthuli-toekenning vir Jong Geskiedkundiges, wat in 2005 van stapel gestuur is. Hierdie kompetisie is deel van die Departement se deelname aan die herdenking van belangrike geskiedkundige gebeurtenisse.
|
| 2. |
Dit is ook deel van die Departement se voortdurende inisiatief om alle leerders aan te moedig om 'n begrip te vorm van die breë geskiedenis van Suid-Afrika en van die rykdom van die geskiedenis van hulle plaaslike gemeenskappe. Dit is ook 'n geleentheid vir die jong leerders om ondervinding op te doen in die ontwikkeling van belangrike navorsingsvaardighede.
|
| 3. |
Die kompetisie is oop vir alle leerders van graad 8 tot graad 12 en alle geskiedenisonderwysers van sekondêre skole.
|
| 4. |
Kompetisie vir leerders
|
| 4.1 |
Daar sal van leerders verwag word om navorsing te doen en 'n voorleggeing, 'n dokumentêre film of video voor te berei oor een van die volgende onderwerpe:
'n Vrou ('n ouer, onderwyser of 'n lid van die plaaslike gemeenskap) wat 'n belangrike rol gespeel het in die vrouebeweging vir gelykheid
of
'n Individu of individue in die plaaslike gemeenskap wat deelgeneem het aan die Jeugopstande van 1976
of
'n Individu in die plaaslike gemeenskap wat bygedra het tot die transformasie van hulle gemeenskap
|
| 4.2 |
Let asseblief op die volgende:
Die projek moet op mondelinge geskiedenisnavorsing gebaseer wees.
Leerders moet gehelp word wanneer hulle persone kies met wie onderhoude gevoer gaan word. Leerders moet sterk aanbeveel word om 'n persoon of persone uit hulle plaaslike gemeenskap te kies.
Beoordeling sal plaasvind op grond van die gehalte van die navorsing eerder as op grond van die wyse van aanbieding.
Die aanbieding mag in enige van die amptelike tale wees.
|
| 5. |
Kompetisie vir Opvoeders
|
| 5.1 |
Opvoeders wat vir die kompetisie inskryf, moet 'n werkplan indien oor hoe hulle die mondelingegeskiedenis-projek in die klaskamer opgestel het.
|
| 5.2 |
Opvoeders moet hulle portefeuljes formeel voorlê aan 'n beoordelaarspaneel en moet voorbereid wees om aan 'n paneelbespreking oor die portefeulje deel te neem.
|
| 5.3 |
Opvoeders moet die volgende in 'n portefeulje vir die kompetisie insluit:
Hoe die mondelingegeskiedenis-projek in die klaskamer bekendgestel is.
Watter verduideliking aan leerders gegee is oor die uitkies en benadering van moontlike onderhoudpersone, oor voorbereiding vir en afneem van onderhoude en die gebruik van die onderhoud as bewysstuk waaruit afleidings oor die deelname van daardie individu gemaak kan word.
Watter intervensies die opvoeder gemaak het om die leerders by te staan om die projek af te handel.
Wat die leerders na die onderwyser se mening geleer het uit die mondelingegeskiedenis-projek.
|
| 6.1 |
Beoordeling sal in Augustus/September 2006 op 'n provinsiale vlak en in September/Oktober 2006 op 'n nasionale vlak by 'n nasionale geleentheid plaasvind.
|
| 6.2 |
Beoordelaarspanele wat bestaan uit geskiedkundiges en erfeniswerkers sal vir die provinsiale en nasionale beoordeling aangestel word.
|
| 7. |
Die nasionale geleentheid
|
| 7.1 |
Tien leerders van sekondêre skole in elke provinsie sal as Nkosi Albert Luthuli Jong Geskiedkundiges gekies word om die provinsie in September/Oktober 2006 by 'n nasionale geleentheid by die Universiteit van Fort Hare te verteenwoordig.
|
| 7.2 |
Twee opvoeders uit elke provinsie sal gekies word om deel te neem aan die nasionale geleentheid by die Universiteit van Fort Hare in September 2006. Opvoeders moet hulle werk aan 'n beoordelingspaneel voorlê.
|
| 9. |
Indien u skool vir hierdie kompetisie wil inskryf, vul asseblief die aangehegte registrasievorm in en faks of e-pos dit aan die VOO-Geskiedenis-kurrikulumadviseur by u OBOS, wat ook meer besonderhede kan verskaf aangaande die beoordelingsproses.
|
GETEKEN: T. SMIT
HOOF: ONDERWYS
DATUM: 2006:08:01
|