1. Verskeie Wes-Kaapse skole het aan nasionale en internasionale musiekkompetisies en feeste gedurende die Junie/Julie-skoolvakansie deelgeneem.

2. Nasionale Kompetisie

Negentien Wes-Kaapse skole het aan die Suid-Afrikaanse Skoolkooreisteddfod (voorheen bekend as die Tirisano Skoolkooreisteddfod) in Randburg deelgeneem. Die eisteddfod is die grootste musiekgeleentheid wat deur die Department van Onderwys gereël word.

Die kompetisie het ook deel gevorm van die feesvieringe rondom die dertigste herdenking van die Soweto-onluste van Junie 1976 en ander geskiedkundige gebeure van historiese belang.

Die Wes-Kaapse skole het uitstekend gevaar in die meeste van die afdelings van die kompetisie. Hulle was wenners in vyf kategorieë en het ses tweedeplekke en vyf derdeplekke behaal.

2.1 Intermediêre Fase-kore 
De Vrije Zee Primêre Skool: Wenner: Eie Keuse
Isikhokelo Primêre Skool:   Derde plek: Afrikaans
Soyisile Primêre Skool:     Wenner: Afrika-liedere
Siyazingisa Primêre Skool:  Tweede plek: Gemengde Dubbelkwartet
2.2 Senior Fase-kore 
Lwandle Primêre Skool:      Tweede plek: Engels
Sakumlandela Primêre Skool: Tweede plek: Afrika-liedere
Hlengisa Primêre Skool:     Derde plek: Dogterskoor
2.3 Verdere-Onderwys-en-Opleidingskole/-kolleges 
Fezeka Sekondêre Skool:            Wenner: Seunskoor
Luhlaza Sekondêre Skool:           Wenner: Dogterskoor
                                   Tweede plek: Klein Ensembles
                                   Derde plek: Mezzosopraansolo
Simon Estes Sekondêre Skool:       Wenner: Baritonsolo
Sithembele Matiso Sekondêre Skool: Tweede plek: Afrika-liedere
                                   Tweede plek: MIV/Vigs-musiek
Joe Slovo Sekondêre Skool:         Derde plek: Afrikaans
Manzomthombo Sekondêre Skool:      Derde plek: Engels

3. Internasionale Kompetisies

Twee Wes-Kaapse skole het aan internasionale musiekkompetisies deelgeneem:

3.1 Die Hoërskool Stellenberg Meisieskoor het aan die internasionale Llangollen Musical Eisteddfod in Wallis deelgeneem en in twee kategorieë gewen: 
Jeugkore
Dameskore

Tydens die finale rondte waaraan die beste vyf kore deelgeneem het, is bogenoemde koor as die algehele wenner aangewys. Die skool het die gesogte Pavarotti-trofee en Koor van die Wêreld- (Choir of the World) titel verower.
3.2 Die Hoërskool Tygerberg-skoolkoor het aan die 35ste Internasionale Jeugmusiekkompetisie in Wenen deelgeneem en het die tweede plek in hul kategorie behaal.

4. Die Wes-Kaap Onderwysdepartement wil die betrokke opvoeders en leerders gelukwens met hierdie puik prestasies en bedank hulle vir hul bydrae tot die hoë standaard van koormusiek in ons skole.

5. Bring asseblief die inhoud van hierdie minuut onder die aandag van alle belanghebbendes.


GETEKEN: J.P. RAULT-SMITH
HOOF: ONDERWYS
DATUM: 2006:07:25