Datum: 6 en 7 Oktober 2006
Plek: Kaapse Onderwysinstituut Nooiensfonteinweg, Kuilsrivier
Tye: 6 Oktober: 15:00 - 19:00
7 Oktober: 08:30 - 13:30
Wie dit moet bywoon: Graad R- tot 9-Wiskundeonderwysers |
| 1. |
Die Wes-Kaap Onderwysdepartement (WKOD) nooi graad R- tot 9-Wiskundeonderwysers om deel te neem aan die Wiskundeoplossingskonferensie óf as aanbieders óf as deelnemers. Dit bevestig die kommunikasie soos uitgegee in Junie 2006 deur die Subdirektoraat Menslikehulpbronontwikkeling: Kaapse Onderwysinstituut, in samewerking met die Direktoraat Kurrikulumontwikkeling
|
| 2. |
Doel
Die doel van hierdie wiskundekonferensie is om voorbeelde te verskaf van maniere waarop wiskunde effektief aan leerders onderrig kan word.
|
| 3. |
Inligting aan aanbieders
|
| 3.1 |
Onderwysers wat belang stel om ‘n Wiskunde-les of "die beste praktyk" by die konferensie aan te bied moet die volgende in gedagte hou :
"Die les oor die “Hoe ek dit onderrig“-sessie moet op die graad R- tot 9-Wiskunde volgens die Nasionale Kurrikulumverklaring gebaseer wees.
Die les moet ‘n aspek van die Wiskunde-sillabus vir ‘n besondere graad onderrig.
Konferensiegangers moet betrokke wees by ‘n aanbieding of les.
Duur: 40 minute. Laat 5 - 10 minute toe vir groepbesprekings of vrae.
Lokale sal van los tafels en stoele, ‘n oorhoofse projektor en ‘n skryfbord voorsien wees.
Alle werkvelle sal gedruk word in ‘n afsonderlike uitgawe van konferensieverrigtinge. Dit beteken dat ‘n aanbieder nie nodig het om addisionele afskrifte van materiaal saam te bring nie, tensy daar van deelnemers verwag word om werkvelblaaie te sny, vou, ens.
Alle materiaal moet getik en uitgedruk word op ‘n laserdrukker, indien moontlik. Die WKOD sal die materiaal dupliseer.
|
| 3.2 |
Indien u daarin geïnteresseerd is om ‘n item aan te bied op 6 en 7 Oktober, voltooi asseblief Bylae A en faks dit aan mnr A. Lamprecht by faksnommer 021 900 5175 of 021 900 5162, of e-pos dit na alamprec@pgwc.gov.za teen 31 Augustus 2006.
|
| 4. |
Inligting aan Deelnemers
|
| 4.1 |
Onderwysers wat nie ‘n aanbieding van hulle werk wil maak nie, maar graag die konferensie wil bywoon, word versoek om hulle besonderhede op die skoollys in Bylae B in te vul.
|
| 4.2 |
Stuur die voltooide Bylae B aan mnr A Lamprecht by e-posadres alamprec@pgwc.gov.za, of faks dit aan Jackie Bokveldt by faksno. 021 900 5175 teen 1 September 2006. Dit is ‘n verlenging van die afsnydatum wat oorspronklik gegee is in die eerste kommunikasie wat aan skole deur die Kaapse Onderwysinstituut gestuur is. Die 100 onderwysers wat reeds geregistreer het in reaksie op die eerste kommunikasie, hoef nie weer te registreer nie.
|
| 4.3 |
Die program sal insluit voltallige paneelbesprekings en parallelle sessies wat deur deelnemers aangebied word. Skole wat vir die konferensie registreer, sal details van die konferensieprogram teen 15 September 2006 ontvang.
|
| 5. |
Logistiek
Deelnemers of aanbieders van die landelike OBOS’e wat verder as 120 km retoerrit moet aflê, mag oornag in die hostelakkommodasie van die Kaapse Onderwysinstituut op Vrydag, 6 Oktober. Akkommodasie sal deur die WKOD verskaf word. Vervoerkoste sal nie deur die WKOD gedek word nie.
|
| 6. |
Die WKOD vertrou dat hierdie konferensie ‘n verrykende en inspirerende ervaring sal wees vir alle Wiskunde-onderwysers wat dit bywoon.
|
GETEKEN: J.P. RAULT-SMITH
HOOF: ONDERWYS
DATUM: 2006:08:18
|