1. Lewensoriëntering, ‘n fundamentele vak wat aangebied word in die VOO-band en waaraan alle leerders in graad 10 tot 12 blootgestel sal word, het vier fokusareas, nl. Persoonlike Welsyn, Burgerskapopvoeding, Rekreasie en Fisieke Aktiwiteit en Beroepe en Beroepskeuses.
2. Opleidingskursusse oor die inhoud van Leeruitkoms 1 (Persoonlike Welsyn) is gedurende Maart en April 2005 en ook gedurende die skoolvakansie in Januarie 2006 aangebied.
3. Alle skole, of hulle onderwysers die opleidingskursusse bygewoon het of nie, het ‘n onderwysershandleiding, ‘n leerderboek, ‘n CD-ROM en ‘n videokasset met die kursusmateriaal oor die inhoud van Leeruitkoms 1 (Persoonlike Welsyn) ontvang.
4. Volgens data wat versamel is, blyk dit dat ‘n aantal skole geeneen van hierdie opleidingsessies bygewoon het nie.
5. Die WKOD het dus besluit om nog ‘n opleidingsessie oor Persoonlike Welsyn in elk van die OBOS’e aan te bied. Die datums en tye vir hierdie opleidingsessies sal deur die meesteropleiers van elke OBOS gereël word.
6. Die OBOS’e sal skole inlig aangaande die opleidingsdatums en sal die registrasie vir die opleidingsessies administreer.
7. Twee graad 10- tot 12- Lewensoriënteringsonderwysers per skool, wat nie opleiding in hierdie leeruitkoms ontvang het nie, mag hierdie opleidingsessie bywoon.
8. Onderwysers sal vergoed word vir reiskoste aangegaan. Diegene wat beplan om dit te eis, moet die volgende gegewens by die kursus gereed hê:

  • PERSAL-nommer

  • Enjinslaginhoud van die voertuig wat gebruik is, sowel as jaarmodel

  • Die afstand in kilometers vanaf die skool tot by die kursuslokaal
9. Onderwysers van landelike OBOS’e wat akkommodasie verlang, moet hulle eie reëlings tref. Geskikte bed-en-ontbytakkommodasie word aanbeveel. Hierdie onderwysers moet hulle eise vir akkommodasieuitgawes indien voor hulle vertrek op die laaste dag van die kursus.
10. Kontak asseblief die Lewensoriëntering-kurrikulumadviseur van u plaaslike OBOS vir verdere besonderhede.
11. Prinsipale word versoek om die inhoud van hierdie minuut onder die aandag van die Lewensoriënteringsonderwysers by hulle skole te bring.


GETEKEN: J.P. RAULT-SMITH
HOOF: ONDERWYS
DATUM: 2006:06:21