1. Die WKOD is in kennis gestel dat die Nasionale Departement van Onderwys addisionele opleidingswerkswinkels vir bogenoemde vakke vir alle provinsiale onderwysdepartemente gedurende die September- en Januarie-skoolvakansie gaan aanbied wat hoofsaaklik op die kurrikulum sal fokus.
2. Hierdie opleiding vervang nie die werkwinkels wat reeds vir Junie/Julie gereël is nie.
3. Die Hoof van Onderwys het toestemming vir opleiding in bogenoemde vakke verleen. Let asseblief op die volgende belangrike inligting in die verband:

  • Die opleiding van onderwysers van Elektriese en Meganiese Tegnologie sal in September plaasvind.

  • As gevolg van die aantal onderwysers wat die ander twee vakke aanbied, sal sleg die fokusskool- en leieronderwysers van Siviele Tegnologie en Ingenieursgrafika en -ontwerp in September opleiding ontvang.

Opleidingsdatums: 26 tot 30 September 2006 en 8 tot 12 Januarie 2007
Plek: Verwys na bylae A
Tye: 08:00 - 17:00 daagliks
4. Onderwysers wat hierdie hierdie werkswinkel gaan bywoon, moet by Hoofkantoor registreer. Die aangehegte registrasievorm (bylae B) moet ingedien word by mnr J. Randewijk by jrandewijk@pgwc.gov.za of by faksnommer 021 467 2258 teen nie later nie as 31 Augustus 2006. Vir verdere navrae, skakel asseblief 021 467 2564/2585.
5. Onderwysers wat nie registreer nie, sal om logistieke redes nie toegelaat word om die werkswinkel by te woon nie.
6. Werkswinkelvereistes

Onderwysers word versoek om die volgende beleids- en riglyndokumente, wat reeds na skole gestuur is, na die vakoriënteringwerskwinkel te bring:

  • Nasionale Kurrikulumvakverklarings

  • Leerprogramriglyne

  • Vakassesseringsriglyne

  • Nasionale Protokol oor Assessering

  • Riglyne vir IKT-integrasie met NKV-vakke in graad 10 tot 12

  • Nuwe handboeke of ander toepaslike vakmateriaal
7. Onderwysers wat hierdie gesentraliseerde werkswinkel bywoon, moet hulle eie vervoerreëlings tref wat deur die WKOD befonds sal word. Enige ander koste wat deur die onderwysers aangegaan word, sal nie deur die WKOD gedek word nie.
7.1 Onderwysers wat eise wil indien, moet die volgende na die werkswinkel saambring:

  • Sy of haar Persalnommer

  • Registrasiebesonderhede en enjingrootte van die voertuig wat hy of sy vir vervoer gebruik het

  • Sy of haar bankbesonderhede
7.2 Onderwysers wat van openbare vervoer gebruik maak (bus- en treindienste) moet amptelike kwitansies aan hulle eise vir reiskoste heg. Indien onderwysers per minibus reis, moet hulle eise vergesel wees van óf die uitgereikte kwitansies óf ‘n brief van die prinsipaal waarin onkoste wat aangegaan is, uiteengesit word. Elke onderwyser moet ‘n afsonderlike geverifieerde eis indien.
8. Prinsipale word vriendelik versoek om:

  • te hou by die sperdatum van 31 Augustus 2006

  • seker te maak dat onderwysers by die werkswinkelvereistes hou; en

  • die inhoud van hierdie Kurrikulumminuut onder die aandag van alle graad 10 tot 12 onderwysers wat bogenoemde tegniese vakke onderrig.


GETEKEN: J.P. RAULT-SMITH
HOOF: ONDERWYS
DATUM: 2006:06:22

Bylae A  (grootte: 6 KB)
Bylae B  (grootte: 34 KB)