1. Kurrikulumontwikkelingsminuut 0039/2006 het aangedui dat die Wes-Kaap Onderwysdepartement (WKOD) handboeke vir graad 8, 9 en 11 in die volgende gekeurde taal- en wetenskapvakke en -leerareas sal voorsien om die implementering van die Nasionale Kurrikulumverklaring (NKV) in hierdie grade te ondersteun. 
Tale: Engels Eerste Addisionele Taal  
Tale: Afrikaans Eerste Addisionele Taal
Wiskunde
Wiskundige Geletterdheid
Natuurwetenskap
Fisiese Wetenskap
2. Hierdie minuut bevat die voorlopige lyste vir graad 8 en graad 11. Die graad 9-lys is nog nie volledig nie, maar sal beskikbaar wees by die NKV-oriënteringskursusse vir graad 8- en 9-onderwysers (10 - 14 Julie).
3. Uitgewers is uitgenooi om hulle boeke by hierdie kursusse uit te stal. Onderwysers word aangeraai om die aangehegte lyste na die oriëntering-/opleidingsessies saam te bring en om van die geleentheid gebruik te maak om die gekeurde boeke met kollegas te bespreek. Daar is ruimte gelaat op die lyste vir onderwysers om hulle kommentaar neer te skryf sodat ‘n ingeligte keuse by die terugkeer na die skool in die nuwe kwartaal gemaak kan word.
4. Aangeheg by hierdie minuut is ook die kriteria wat gebruik is in die keuse van boeke vir die Spesiale Projek. Dit is om onderwysers by te staan in die keuse van geskikte boeke vir hulle leerders.
5. Die WKOD is daartoe verbind om toegang tot goeie kwaliteit handboeke te verbeter, aangesien navorsing bewys het dat handboeke ‘n noodsaaklike onderdeel van goeie onderrig en leer uitmaak. Onderwysers en skole word dus gemaan om groot omsigtigheid aan die dag te lê met die keuse van geskikte boeke uit die lyste wat verskaf word.
6. ‘n Omsendbrief sal na skole gestuur word teen 17 Julie 2006 wat die finale lyste bevat vir graad 8, 9 en 11 in die leerareas en vakke wat hierbo genoem is. Die omsendbrief sal ook gedetailleerde besonderhede bevat vir die bestel van hierdie Spesiale Projek-boeke.
7. Skole moet hulle bestellings vir hierdie handboeke nie later nie as om 12 :00 op 8 Augustus plaas. Geen laat bestellings sal aanvaar word nie. Die WKOD sal nie betaal vir bestellings wat na 8 Augustus 2006 geplaas word nie.
8. Prinsipale word versoek om op te let dat skole van ‘n enkele verskaffer vir al die Spesiale Projek-handboeke gebruik moet maak.
9. Let ook asseblief daarop dat wanneer prinsipale boeke bestel, daar van hulle versoek sal word om inligting te verskaf oor hulle skool se handboekherwinningsmetodes en oor die sukses daarvan.


GETEKEN: J.P. RAULT-SMITH
HOOF: ONDERWYS
DATUM: 2006:06:13

Graad 8  (grootte: 26 KB)
Graad 11  (grootte: 15 KB)
Kriteria  (grootte: 13 KB)