1. "Ek weet wat die assesseringstandaard in die amptelike kurrikulum sê, maar ek wens iemand wil vir my sê hoeveel detail om te dek in ‘n gegewe afdeling van Wiskunde." Onderwysers wat bogenoemde wens uitgespreek het, kan nou hulp kry op ‘n CD wat onlangs deur die Direktoraat Kurrikulumontwikkeling voorberei is. Die CD, genaamd Illustratiewe Voorbeelde vir gr. R – 9 NKV Wiskunde, verskaf aan onderwysers geskikte voorbeelde vir elke graad vanaf graad R tot 9.
2. OBOS’e sal daarvoor verantwoordelik wees om die CD aan alle skole te lewer teen nie later nie as aan die einde van Augustus 2006. Dit sal aan ‘n Wiskunde-onderwyser van u skool by ‘n klustervergadering of leerareavergadering, of aan die prinsipaal by ‘n OBOS-vergadering oorhandig word. Die ontvanger sal moet teken vir ontvangs van die CD. Indien u skool teen 31 Augustus 2006 nog nie ‘n kopie van hierdie CD ontvang het nie, tree asseblief in verbinding met die Wiskunde-kurrikulumadviseur by u OBOS.
3. Die doel van die voorbeelde op hierdie CD is om die assesseringstandaarde aan onderwysers te verduidelik.
4. Onderwysers moet daarop let dat hierdie voorbeelde slegs ‘n gids tot die assesseringstandaarde is. Die CD vervang nie die handboek nie. Indien ‘n onderwyser slegs die voorbeelde op die CD in die klas behandel, sal die leerders nie genoeg blootstelling aan die kursus ontvang het nie.
5. Die WKOD vertrou dat hierdie materiaal onderwysers sal help met die implementering van die Nasionale Kurrikulumverklaring.


GETEKEN: J.P. RAULT-SMITH
HOOF: ONDERWYS
DATUM: 2006:08:04