| 1. |
Facing History and Ourselves (FHAO), Boston, VSA, bied ‘n aanlynkursus van agt weke aan vir internasionale opvoeders oor ‘Holocaust and Human Behaviour’, wat op 9 Februarie 2006 ‘n aanvang neem. Hierdie aanlynkursus verskaf ‘n oorsig van die opkoms van die Nazi’s en die volksmoord van die Jode, en lê ook ‘n verband met ander geskiedenisse, soos dié van Rwanda en Suid-Afrika.
|
| 2. |
Die aanlynkursus en die metodologieë wat deur FHAO gebruik word, ondersteun die HNKV en NKV se Sosiale Wetenskappe en Geskiedenis en sal deelnemende onderwysers voorsien van gepaste inhoud, geskiedenisbronmateriaal vir klaskamergebruik en innoverende onderwysbenaderings. Deelnemers aan ‘n FHAO-kursus verkry toegang tot hulle aanlyn- kampus, wat oor ‘n verdere reeks toepaslike klaskamerhulpbronne beskik, relevant tot graad 9 en VOO Geskiedenis. Geskiedenisonderwysers word aangemoedig om gebruik te maak van hierdie opwindende geleentheid om hulle vakkennis en klaskamervaardighede uit te brei en om plaaslike ervaring te deel met internasionale praktisyns.
|
| 3. |
Verdere inligting, wat ‘n beskrywing van die kursus en die registrasieprosedure insluit, kan gevind word by http://www.facinghistory.org deur te kliek op Institutions, Workshops and Online Courses vir toegang tot die inligting. Daar is kursusgelde betaalbaar, maar FHAO het verskeie studiebeurse beskikbaar.
|
| 4. |
Kursusgangers moet bereid wees om vier uur per week op elk van die agt sessies te spandeer. Verwys asseblief na hierdie kurrrikulumminuut indien u vir die kursus registreer.
|
| 5. |
Prinsipale moet seker maak dat alle Geskiedenisonderwysers ‘n afskrif van hierdie minuut kry.
|
GETEKEN: J.P. RAULT-SMITH
HOOF: ONDERWYS
DATUM: 2005:01:19
|