1. Die onderwyserassistente sal ‘n kursus volg by Kolleges vir Verdere Onderwys en Opleiding vanaf April tot Oktober 2006. Hierdie kursus fokus op hulle rolle en verantwoordelikhede en op hoe om doeltreffende ondersteuning aan Grondslagfaseleerders te bied.
2. Klasonderwysers wat deur onderwyserassistente bygestaan word, sowel as hulle prinsipale, moet oriënteringsessies bywoon op Vrydag, 9 Junie 2006 vanaf 13 :00 tot 16 :30 en op Saterdag, 10 Junie 2006 vanaf 08 :00 tot 16 :00. Die doel van hierdie sessies is om prinsipale en onderwysers met die kursusinhoud vir onderwyserassistente vertroud te maak. ‘n Afskrif van die tweedaagse program is aangeheg.
3. Hierdie oriënteringsessies sal op dieselfde kampusse aangebied word as waar die onderwyserassistente hulle klasse sal bywoon en sal deur kollegelektore aangebied word.
4. Skole word versoek om die aangehegte antwoordstrokie te voltooi en terug te stuur via faks, teen Donderdag, 25 Mei 2006.
5. Diegene wat die kursus bywoon, sal vergoed word vir hulle reiskoste, maar ons doen ‘n ernstige beroep op hulle om vervoer sover moontlik te deel.
6. Die WKOD is vol vertroue dat prinsipale en onderwysers by hierdie sessies sal baatvind, en beveel dus sterk aan dat dit bygewoon word.
7. Prinsipale word vriendelik versoek om die inhoud van hierdie minuut onder die aandag van alle Grondslagfaseonderwysers te bring.


GETEKEN: T. SMIT
HOOF: ONDERWYS
DATUM: 2006:05:16

Kursusprogram  (grootte: 8 KB)
Antwoordstrokie  (grootte: 7 KB)