| 1. |
In opvolging van Kurrikulumminuut 0021/2006 en 0040/2006, is die volgende van toepassing op die registrasie van onderwysers vir Rekenaar Toepassingstegnologie (RTT) en Inligtingstegnologie (IT) vir die Junie-Julie vakoriënteringsessies.
|
| 2. |
Die RTT- en IT-oriëntering sal aangebied word deur die Kaapse Skiereiland Universiteit vir Tegnologie (KPUT), Belville-kampus, wat as uitgekontrakteerde diensverskaffer deur die nasionale Departement van Onderwys betaal word. Opleiding sal insluit praktiese sessies waar die toepassings gebruik word.
|
| 3. |
Provinsiale opleidingsprogramme vir RTT en IT
|
| 3.1 |
Die opleiding is oop vir onderwysers wat tans RTT en IT aanbied.
|
| 3.2 |
Die opleidingsprogram vir elke vak, soos ontwikkel deur die diensverskaffer, strek oor ‘n tydperk van sewe (7) dae en beloop altesaam 64 uur.
|
| 3.3 |
Die RTT-opleiding begin om 14:30 op Sondag, 25 Junie en sal voortduur tot 16:30 op Saterdag, 1 Julie 2006. RTT Vlak 1 en RTT Vlak 2 sal tegelykertyd aangebied word.
|
| 3.4 |
Die IT-opleiding begin om 14:30 op Sondag 02 Julie en duur tot 16:30 op Saterdag 08 Julie 2006. Slegs IT Vlak 1 sal gedurende die Junie-skoolvakansie aangebied word.
|
| 3.5 |
Verwys asseblief na Bylae A vir daaglikse kursustye, assessering en sertifisering.
|
| 4.1 |
Aangesien RTT ‘n nuwe vak is en onderwysers vir Tik, Rekenaartik en Rekenaarstudie Standaardgraad (SG) sal akkommodeer, sal die inhoudsgaping vir onderwysers uit hierdie verskillende agtergronde verskil. Vir opleidingsdoeleindes sal alle inhoud dus as nuut beskou word. RTT spruit voort uit en is ‘n onderdeel van die groter kennisdomein Inligtings- en Kommunikasietegnologieë (IKT’s)
|
| 4.2 |
Die opleiding sal op drie vlakke gedoen word om die verskillende agtergronde en vaardighede van onderwysers te akkommodeer. Daar is leeraannames vir elke vlak. (Verwys na Bylae B vir ‘n lys voorvereiste vaardighede en kennis vir die onderskeie kursusse.)
|
| 4.2.1 |
Die basiese kursus (RTT Vlak 1) teiken nuwe onderwysers (nuut tot die vak), Tik-onderwysers en onderwysers met baie min agtergrond.
|
| 4.2.2 |
Die intermediêre kursus (RTT Vlak 2) teiken onderwysers wat tans Rekenaartik onderrig.
|
| 4.2.3 |
Die gevorderde kursus (RTT Vlak 3) teiken onderwysers wat tans Rekenaarstudie (SG) onderrig.
|
| 4.3 |
Onderwysers wat die basiese kursus in 2006 doen, kan in 2007 vir die intermediêre kursus en in 2008 vir die gevorderde kursus inskryf. Onderwysers wat die intermediêre kursus in 2006 doen, kan in 2007 vir die gevorderde kursus inskryf. Onderwysers wat die gevorderde kursus doen, hoef nie opleidingskursusse in 2006 by te woon nie, maar sal die gevorderde kursus in 2007 bywoon.
|
| 4.4 |
Onderwysers wat RTT vlak 2 en vlak 3 voltooi, sal vrystelling verwerf van die RTT-verwante vakke indien hulle vir die GOS-kursus inskryf wat deur die Tswane Universiteit van Tegnologie aangebied word. Hulle sal slegs die onderwysverwante vakke hoef af te handel om vir ‘n Gevorderde Sertifikaat in Onderwys (GOS-sertifikaat) vir RTT te kwalifiseer. Die kursusse is op ‘n NKR vlak 5 geregistreer, d.w.s. 24 krediete.
|
| 5.1 |
IT hou verband met Rekenaarstudie Hoërgraad (HG) en spruit voort uit en is ‘n onderdeel van die groter kennisdomein Inligtings- en Kommunikasietegnologieë (IKT’s).
|
| 5.2 |
Die opleiding sal op twee (moontlik drie) vlakke geskied:
|
| 5.2.1 |
Die basiese kursus (IT Vlak 1) teiken nuwe onderwysers (nuut tot die vak) en onderwysers met baie min agtergrond.
|
| 5.2.2 |
Die gevorderde kursus (IT Vlak 2) teiken onderwysers wat tans Rekenaarstudie (HG) onderrig.
|
| 5.3 |
Onderwysers wat die basiese kursus in 2006 doen, kan in 2007 inskryf vir die gevorderde kursus. Onderwysers wat die gevorderde kursus doen, sal nie kursusse in 2007 hoef by te woon nie.
|
| 7. |
Onderwysers moet die volgende hê by hulle aankoms:
Skryfbehoeftes: Penne en ander skryfbehoeftes vir die afneem van aantekeninge
Skryfblok, boek of papier vir die afneem van aantekeninge
Afskrif van ID-dokument
Nasionale Kurrikulumvakverklarings
Leerprogramriglyne
Vakassesseringsriglyne (Hierdie dokumente kan afgelaai word by )
|
| 8.1 |
Die proses sal deur die Direktoraat: Kurrikulumontwikkeling bestuur word. Onderwysers moet by Hoofkantoor registreer.
|
| 9. |
Uitgawes aangegaan deur onderwysers
|
| 9.1 |
Onderwysers sal vergoed word vir reiskoste. Dit is dus noodsaaklik dat elke onderwyser die volgende na die werkswinkel sal bring:
|
| 9.1.1 |
Sy of haar Persal-nommer
|
| 9.1.2 |
Registrasiebesonderhede van die voertuig wat hy of sy vir vervoer gebruik het
|
| 9.2 |
Onderwysers moet hulle eisvorms by die lokaalbestuurders by KPUT indien.
|
| 9.3 |
Onderwysers wat van openbare vervoer gebruik maak (bus- en treindienste) moet amptelike kwitansies aan hulle eise vir reiskoste heg. Indien onderwysers per minibus-taxi reis, moet hulle eise vergesel wees van óf die uitgereikte kwitansies óf ‘n brief van die prinsipaal waarin onkoste aangegaan uiteengesit word. Elke onderwyser moet ‘n afsonderlike geverifieerde eis indien.
|
| 9.4 |
Geen onderwyser sal vir reis- of verblyfonkoste vergoed word wat aangegaan word op pad van sy of haar vakansiebestemming na die werkswinkel toe nie.
|
| 9.5 |
Onderwysers wat nie van die koshuisakkommodasiereëlings gebruik wil maak nie, sal NIE vergoed word vir enige ander akkommodasiekoste nie.
|
| 10. |
Prinsipale word versoek om die indieningsdatum van 26 Mei 2006 na te kom, om seker te maak dat onderwysers by die vereistes ten opsigte van die registrasielokaal hou en om die inhoud van hierdie kurrikulumminuut onder die aandag van alle graad 10- tot 12-onderwysers vir RTT en IT te bring.
|
| 11. |
Prinsipale moet asseblief daarop let dat daar geen verdere provinsiale oriënteringsessies vir die res van die jaar sal wees nie. In gevalle waar onderwysers beide vakke onderrig, moet hulle dus aangemoedig word om beide sessies by te woon.
|
| 12. |
Onderwysers wat nie registreer nie, sal om logistieke redes nie toegelaat word om die opleiding by te woon nie. |
GETEKEN: T. SMIT
HOOF: ONDERWYS
DATUM: 2006:05:12
|