1. |
In opvolging van Kurrikulumminuut 0021/2006 en 0040/2006, is die volgende van toepassing op die opleiding van onderwysers wat Landbouwetenskappe, Landboubestuurspraktyke en Landboutegnologie onderrig.
|
2. |
Die Hoof van Onderwys het toestemming vir opleiding in bogenoemde vakke verleen. Let asseblief op die volgend belangrike inligting aangaande die opleiding:
Opleidingsdatums: 5 tot 9 Junie 2006
Plek: Lord Charles Hotel, Somerset-Wes
Tye: 08:00 - 17:00 daagliks
|
3. |
Alle onderwysers sal in die Lord Charles Hotel in Somerset-Wes tuisgaan vir die duur van die werkswinkel. Alle akkommodasiekoste sal gedek word.
|
4. |
Onderwysers wat hierdie hierdie werkswinkel gaan bywoon, sal dus by Hoofkantoor moet registreer. Die aangehegte registrasievorm moet ingedien word by mnr T Botha by tbotha@pgwc.gov.za, of by faksnommer 021 467 2258 teen nie later nie as 31Mei 2006. Sy telefoonkontaknommers is 021 467 2559/2585. Onderwysers wat nie registreer nie, sal om logistieke redes nie toegelaat word om die werkswinkel by te woon nie.
|
5. |
Werkswinkelvereistes
Onderwysers word versoek om die volgende beleids- en riglyndokumente, (wat na skole gestuur is), na die vakoriënteringswerkswinkels te bring:
Nasionale Kurrikulumvakverklarings
Leerprogramriglyne
Vakassesseringsriglyne
Nasionale Protokol oor Assessering
Riglyne vir IKT-integrasie met NKV-vakke in graad 10 - 12
Die Nasionale Senior Sertifikaat: ’n Kwalifikasie op Vlak 4 op die Nasionale Kwalifikasieraamwerk (NKR)
Minimum toelatingsvereistes vir Hoëronderwys-, Diploma- en Baccalaureus-graadprogramme wat ‘n Nasionale Senior Sertifikaat vereis
Nuwe handboeke of ander toepaslike vakmateriaal
|
6. |
Onderwysers wat hierdie gesentraliseerde werkswinkel bywoon, moet hulle eie vervoerreëlings tref. Elke onderwyser kan reiskoste eis van die OBOS waaronder die betrokke onderwyser se skool ressorteer. Enige ander kostes wat deur die onderwysers aangegaan word, sal nie deur die WKOD gedek word nie.
|
7. |
Dit is dus noodsaaklik dat elke onderwyser die volgende na die werkswinkel sal bring:
|
8. |
Onderwysers wat van openbare vervoer gebruik maak (bus- en treindienste) moet amptelike kwitansies aan hulle eise vir reiskoste heg. Indien onderwysers per minibus reis, moet hulle eise vergesel wees van óf die uitgereikte kwitansies óf ‘n brief van die prinsipaal waarin onkoste wat aangegaan is, uiteengesit word. Elke onderwyser moet ‘n afsonderlike geverifieerde eis indien.
|
9. |
Prinsipale word vriendelik versoek om
te hou by die datum vir indiening - 31 Mei 2006,
seker te maak dat onderwysers by die werkswinkelvereistes hou; en
die inhoud van hierdie kurrikulumminuut onder die aandag van alle graad 10 tot 12 onderwysers wat die drie landbouvakke onderrig, te bring.
|
GETEKEN: G. SCHREUDER
HOOF: ONDERWYS
DATUM: 2006:05:26
|