1. Nasionale Wetenskapweek, ‘n inisiatief van die Departement van Wetenskap en Tegnologie, sal vanaf 13 tot 20 Mei 2006 plaasvind. Die tema vir 2006 is "Môre se Wetenskap en Tegnologie is in ons jeug se hande".
2. Die doelwitte van die Nasionale Wetenskapweek is om

  • bewustheid te skep van die rol van wetenskap in die samelewing.

  • Leerders se prestasie te verbeter en hulle aan te moedig om wetenskap en wiskunde te bestudeer; en

  • meer leerders te lok na beroepe in wetenskap, ingenieurswese en tegnologie.
3. Die volgende diensverskaffers is gekontrakteer om aktiwiteite vir leerders, opvoeders en die algemene publiek aan te bied:

  • MTN-wetenskapsentrum (Mej J Cleverdon: 021 529 8100)

  • Hermanus Magnetiese Observatorium (Mev E Fraser: 028 312 2039)

  • Ithemba Labs (Mej G Stone: 021 843 1000)

  • Suid-Afrikaanse Sterrewag (Mnr K Govender: 021 460 9350)
4. Die program vir die aktiwiteite vir die Nasionale Wetenskapweek 2006 in die Wes-Kaap is aangeheg. Vir meer inligting kan die volgende webtuistes geraadpleeg word: http://www.dst.gov.za en http://www.saasta.ac.za
5. Prinsipale word dringend versoek om alle Wetenskapopvoeders en leerders by hulle skole in te lig aangaande die Nasionale Wetenskapweek 2006 en om hulle aan te moedig om die onderskeie aktiwiteite by te woon.


GETEKEN: T. SMIT
HOOF: ONDERWYS
DATUM: 2006:05:10

Nasionale Wetenskapweek 2006  (grootte: 20 KB)