1. Die Wes-Kaap Onderwysdepartement (WKOD) het die Nasionale Beleid oor Religie en Onderwys in Omsendbrief 0194/2003 aangekondig.
2. Die omsendbrief het die volgende genoem:

  • "Die beleid voorsien ‘n raamwerk vir die gepaste hantering van drie gedefinieerde aspekte van religie in skole: verpligte religie-onderrig, gereguleerde religieuse gebruike en vrywillige religieuse instruksie".

  • "Die WKOD is bewus van sensitiwiteit aangaande die beleid en wil graag daarop wys dat leerders en onderwysers gerespekteer moet word volgens die gees en letter van die beleid soos uiteengesit in artikels 13 en 35. Sekere bepalings van die beleid is gemodifiseer vir toepassing in onafhanklike skole (sien artikel 16)".
3. Hierdie minuut dien om alle werknemers by die WKOD daaraan te herinner om te hou by die vereistes van die Nasionale beleid oor Religie en Onderwys.
4. Prinsipale word vriendelik versoek om die inhoud van hierdie minuut onder die aandag van alle onderwysers te bring.


GETEKEN: T.C. SMIT
HOOF: ONDERWYS
DATUM: 2006:04:26