| 1. |
Een van die leeruitkomste van die Nasionale Kurrikulumverklaring graad 10 – 12 (Algemeen): Lewensoriëntering stel dit dat die leerder in staat is om selfkennis te openbaar, asook die vermoë om ingeligte besluite aangaande verdere studie, beroepsvelde en loopbaanbeplanning te neem.
|
| 2. |
Die WKOD is daartoe verbind om te verseker dat alle VOO-leerders in staat is om kennis en vaardighede te toon wat in hierdie leeruitkoms ingebed is deur hulle aan ‘n wye verskeidenheid beroepe bloot te stel.
|
| 3. |
Om te reageer op die nasionale oproep om ‘n dogter na die werk toe saam te neemop 25 Mei 2006, wil die WKOD graag versoek dat alle skole by hierdie projek betrokke raak deur dogters aan die onderwysberoep voor te stel.
|
| 4. |
Die voorstel is dat elke skool tien graad 10-dogters met ‘n belangstelling in die onderwys uitsoek en hulle blootstel aan ‘n program wat hulle belangstelling in onderwys as beroep kan stimuleer.
|
| 5. |
Skole kan self besluit oor die formaat van die program, maar die volgende aanbevelings sou oorweeg kon word:
|
| 5.1 |
Laat die dogters toe om die klaskamers van ‘n naburige primêre skool te besoek om te sien hoe die jong leerlinge geleer word.
|
| 5.2 |
Reël dat die dogters ‘n inrigting vir hoër onderwys besoek waar studente vir die onderwysberoep opgelei word.
|
| 5.3 |
Reël dat die dogters ‘n skool besoek waar hulle die onderwys van kinders met spesiale onderwysbehoeftes kan waarneem.
|
| 6. |
Skole is welkom om later in die jaar dieselfde reëlings vir seuns te tref.
|
| 7. |
Prinsipale word vriendelik versoek om die inhoud van hierdie minuut onder die aandag van alle onderwysers in WKOD-skole te bring.
|
GETEKEN: T.C. SMIT
HOOF: ONDERWYS
DATUM: 2006:04:26
|