| 1. |
Die Wes-Kaap Onderwysdepartement (WKOD) heg groot waarde daaraan om leerders aan werksgeleenthede bloot te stel. Die WKOD onderskryf derhalwe saam met die Departement van Landbou die opwindende Agri-Expo-inisiatief wat van 13 tot 15 Oktober 2006 landbou en al sy komponente by `n uitstalling in die Kaapstadse Internasionale Konferensiesentrum ten toon stel.
|
| 2. |
Die tema van die uitstalling is from the earth. Die oogmerk is om die beeld van landbou te bevorder en om die diversiteit van die landbousektor uit te beeld op ‘n manier wat sal spreek tot boere, vervaardigers, voedsel- en modeliefhebbers, leerders, gesinne, diegene wat `n gesonde lewenswyse bevorder en die besoeker wat landbou in al sy fasette wil ervaar. Die volgende sektore sal geakkommodeer word; suiwel, wyn, vrugte, vleis, die groente- en kruiebedryf, natuurbewaring, skole en die jeug.
|
| 3. |
Agri-Expo wil graag hê leerders dwarsoor die provinsie moet die uitstalling besoek. Dit sal, in ooreenstemming met die WKOD se Menslikehulpbron-ontwikkelingstrategie en met die oog op die aanmoediging van leerders met wiskunde en wetenskap om landbou as loopbaan te oorweeg, waardeer word indien graad 8- tot 12-leerders wat in daardie studievelde geïnteresseerd is, aangemoedig en in staat gestel word om die Agri-Expo by te woon.
|
| 4. |
Bring asseblief die inhoud van die kurrikulumminuut onder die aandag van alle betrokke persone.
|
GETEKEN: J.P. RAULT-SMITH
HOOF: ONDERWYS
DATUM: 2006:04:06
|