|
Die nasionale Program van Aksie vir Kinders is ‘n Verenigde Nasies-program wat op kinders en op die skep van ‘n "Wêreld geskik vir kinders" fokus. Elke regeringsdepartement gaan ‘n betekenisvolle rol speel om te verseker dat hierdie program positiewe byvoordele vir kinders sal hê en dat kinders die rol en impak van die regering sal begryp. Die Energiefokusweek vir leerders is so ‘n inisiatief van die Departement van Minerale en Energie (DME). Die DME het besluit om te fokus op Onderwys, Veiligheid, Gesondheid en Gelykberegtiging. As deel van hulle program het die DME besluit om twee weke per jaar eenkant te sit, een vir Energiefokusweek en die ander vir Mynwesefokusweek. Met die onlangse kragonderbrekings in die Wes-Kaap is dit besonder gepas dat die Wes-Kaap vanjaar as gasheer vir die Energiefokusweek vir kusprovinsies sal optree, en wel by die Ritz Hotel, vanaf 3 tot 7 April 2006. Vyf van ons skole is vir hierdie geleentheid uitgenooi en 20 leerders en 5 onderwysers sal die WKOD by hierdie geleentheid verteenwoordig. Die leerders sal ingelig word aangaande beroepe in die energiesektor en sal onderrig word oor gesondheids- en veiligheidskwessies deur middel van aanbiedings, uitstallings, promosiemateriaal en uitstappies na oliemaatskappye toe. Die laaste aand sal gewy word aan ‘n Toekenningsdinee vir die kinders, waar die Minister daardie leerlinge sal beloon wat tydens hierdie konferensie innoverend gewees het ten opsigte van die vervaardiging of lewering van items wat energieproduksie kan verhoog. GETEKEN: J.P. RAULT-SMITH |