| 2. |
Oriënteringskursusse in elk van die agt leerareas sal vir alle graad 8- en 9- onderwysers vir 5 dae vanaf 10 tot 14 Julie 2006 aangebied word. ‘n Verdere 4-daagse kursus in elk van die agt leerareas sal vanaf 26 tot 29 September 2006 aangebied word aan daardie onderwysers wat ‘n tweede leerarea onderrig. Skole het onderwysers vir hierdie kursusse ingeskryf.
|
| 3. |
Die aangehegte Bylae A verskaf ‘n lys van vergaderplekke vir die graad 8- en 9- NKV-oriënteringskursusse per OBOS.
|
| 4. |
U word aan die volgende herinner:
Die program is opgestel om te voldoen aan die behoeftes van graad 8- en 9-onderwysers met die implementering van die NKV in graad 8 en 9 in 2007.
Slegs onderwysers wat teenwoordigheid bevestig het deur voorafregistrasie word verwag om teenwoordig te wees. (Hierdie proses is noodsaaklik vir beplanningsdoeleindes.)
Let asseblief daarop dat alle werkswinkels daagliks om 08:00 sal begin en om 16:00 sal eindig, behalwe Vrydag wanneer dit om 13:00 sal sluit.
Ligte verversings sal verskaf word.
Vervoereise vir WKOD-betaalde opvoeders moet volledig ingevul word by die werkswinkel.
Deelnemers word versoek om die dokumentasie soos aangedui in paragraaf 6 , sowel as pen en skryfpapier saam te bring.
|
| 5. |
Bywoningsertifikate sal mettertyd uitgereik word aan onderwysers wat
bewys lewer van hulle Persalnommers (WKOD-werknemers) of hulle ID-nommers (SBL-werknemers), deur ‘n fotokpie van ‘n salarisadviesvorm of ‘n ID-dokument saam te bring en
teenwoordig is vir die volle duur van die kursus en die daaglikse teenwoordigheidsregister geteken het.
|
| 6. |
Om die maksimum voordeel uit hierdie werkswinkel te haal, word onderwysers ernstig versoek om die volgende dokumente te bestudeer voordat hulle die werkswinkel bywoon:
Die Overview of the Revised National Curriculum Statement (Beleid);
Die Leerareaverklaring (Beleid) vir die leerprogram wat hulle sal ontwikkel; en
Die Onderwysersgids vir die ontwikkeling van leerprogramme vir die leerprogram wat hulle sal ontwikkel.
Onderwysers moet hierdie dokumente saambring na die Julie- en September-kursusse.
|
| 7. |
Die OBOS’e sal aan skole bekendmaak by watter plek hulle die kursus moet bywoon.
|
| 8. |
Dankie dat u u onderwysers vir die Julie- en September-kursusse inskryf. Ons sien uit na ‘n vrugbare oriëntering tot die nuwe kurrikulum in voorbereiding vir 2007.
|
GETEKEN: A.P. CLAUSEN
HOOF: ONDERWYS
DATUM: 2006:03:30
|