| 1. |
Die WKOD sal weer vanjaar vir volwasse kandidate geleentheid bied om nasionale BOOV vlak 4-eksamen in Junie en Oktober van hierdie jaar te skryf. Die Junie-eksamen begin op 1 Junie 2006 en loop ten einde op 22 Junie 2006, terwyl die Oktober-eksamen op 11 Oktober begin en op 31 Oktober 2006 eindig. Uitvoerige eksamenroosters sal deur die loop van die jaar aan alle sentrums beskikbaar gestel word en albei eksamens sal deur die WKOD, die Nasionale Departement van Onderwys en UMALUSI gemonitor word.
|
| 2. |
Die verhouding tussen eksamen en sentrumgebaseerde assessering (SGA) bly steeds 50:50 en die nasionale leerareariglyne wat saam met Omsendbrief 75/2002 uitgestuur is, moet gebruik word.
|
| 3. |
Kandidate moet, in oorstemming met provinsiale beleid, aangemoedig word om in te skryf vir die eksamen slegs as hulle daarvoor gereed is.
|
| 4. |
Die eksamen word tans gebruik om die sentrumgebaseerde assessering statisties te modereer soos in Obsendbrief aangedui is, en dit is dus belangrik dat alle leerders wat die eksamen gaan aflê, opgelei is in eksamentegnieke. Opvoeders word aangeraai om in hulle voorbereiding van kandidate vir die eksamens gebruik te maak van die BOOV-hoofnasiener se verslae wat by hierdie minuut aangeheg is asook om deur vorige eksamenvraestelle te werk. CD’s van vorige vraestelle en voorgestelde antwoorde kan van Edumedia (tel (021) 689-9536) aangekoop word.
|
| 5. |
Die sentrumgebaseerde stelsel vereis dat `n portefeulje met bewyse vir elke leerder vir elke leerarea voorgelê word vir moderering. Portefeuljes sal net aanvaar word indien hulle deur die OBOS-kurrikulumadviseurs gemodereer is. UMALUSI sal die modereringsproses van die provinsie verifieer en die proses van drie vergaderings (standaardstelling, monitering en finale moderering) moet dus by alle sentrums en OBOS’e gevolg word.
|
| 6. |
Elke leerderportefeulje moet `n minimum van vyf gepaste items insluit wat op die eenheidstandaarde gebaseer is en wat die nasionale riglyne volg. Die items mag nie net toetse wees nie, hoewel toetse `n belangrike assesseringsmetode is. Die finale punt vir alle portefeulje-items moet op die aangehegte punteblaaie as `n persentasie (uit 100) aangeteken word. Elektroniese weergawes van die punteblad kan op die WKOD se webtuiste (adres hieronder) of van u OBOS-kurrikulumadviseurs verkry word.
|
| 7. |
Die finale punte vir die sentrumgebaseerde assessering, leerderportefeuljes en opvoederportefeuljes wat assesseringsinstrumente bevat, terugvoer aan kandidate, leerprogramme, ens. moet deur die OBOS-kurrikulumadviseurs gemodereer word en daarna deur die provinsiale kantoor en UMALUSI geverifieer word.
|
| 8. |
Leerderportefeuljes sonder die betrokke opvoederportefeulje sal nie aanvaar word nie en hierdie leerders se uitslae sal as onvolledig beskou word.
|
| 9. |
Skakel asseblief met u OBOS-beampte wat vir BOOV verantwoordelik is:
| OBOS | BOOV-amptenaar | Telefoon (werk) |
| Breede Rivier & Overberg | Mnr Joaniel Pieterse | 023 348 4619 |
| Metropool Sentraal | Mnr Derrick Sayster (wnde.) | 021 659 4344 |
| Metropool Oos | Mnr Mike Pick (wnde.) | 021 900 0966 |
| Metropool Noord | Me Winifred Taylor | 021 938 3032 |
| Metropool Suid | Me Zukiswa Ntontela (wnde.) | 021 370 2056 |
| Suid-Kaap/Karoo | Mnr Jewel Jonkers
Mr Dirk Henry | 044 873 6128
023 415 2070 |
| Weskus/Wynland | Me Juanita Cornelissen | 021 860 1200 |
|
| 10. |
Vir verdere ondersteuning kan u in verbinding tree met mnr J. Parbhoo by (021) 467 2572 of e-pos jparbhoo@pgwc.gov.za.
|
| 11.1 |
Alle BOOV-beleidsdokumente, insluitende omsendbriewe
|
| 11.2 |
Alle leerareariglyne vir BOOV vlak 4
|
| 11.3 |
Aanbevole assesseringsitems (beskikbaar in Engels, Afrikaans en Xhosa)
|
| 11.4 |
Verslae oor alle vorige nasionale BOOV-eksamens
|
| 12. |
Bring asseblief die inhoud van hierdie minuut onder die aandag van alle opvoeders en leerders wat by BOOV vlak 4 betrokke is.
|
GETEKEN: J.H. HURTER
HOOF: ONDERWYS
DATUM: 2006:01:01
|