1. In ooreenstemming met Kurrikulumminuut 0091/2005 sal die deurlopende asssessering en finale eksamen vir Bedrysekonomie volgens Nasionale Riglyne met ingang Januarie 2006 geskied.

2. Dit sal ’n betekenisvolle impak hê op die formaat van die Bedryfsekonomie-eksamen, sowel as op die verskillende komponente vir deurlopende assessering in daardie vak. Die volgende belangrike aspekte word toegelig en moet saam met die Nasionale Assesseringsriglyne vir Bedryfsekonomie gelees word (National Assessment Guidelines for the Senior Certificate: Business Economics):

3. DIE FINALE SKRIFTELIKE EKSAMEN (Nasionale Assesseringsriglyne bladsy 4)
3.1 Die puntetoekenning is na 400 vir die Hoër Graad en 300 vir die Standaard Graad gewysig. Die tydsduur van die vraestel bly drie uur. Dit het belangrike implikasies vir die opstel en nasien van vraestelle. ’n Modelvoorbeeld vir beide die Hoër en Standaardgraad, met die nasienmemorandums, sal beskikbaar wees op die WKOD se Bedryfsekonomie-webtuiste, http://curriculum.wcape.school.za en sal tydens die OBOS-standaardvasstelling- klustervergaderings, wat gedurende die eerste kwartaal van 2006 sal plaasvind, bespreek word.
3.2 Die sillabusdekking en gewigte daaraan toegeken (bladsy 7) is ook gewysig. Onderwysers moet kennis neem van die verskillende kognitiewe vlakke waarvolgens vraestelle opgestel sal word. (Para. 4.4)
3.3 Met verwysing na die afdeling oor die uitbreiding op die leerplanne (paragraaf 4.5, bladsy 7 tot 15)) is belangrike veranderinge ten opsigte van die klem op verskillende onderwerpe aangebring, wat uiters noukeurig in werking gestel moet word.

4. DEURLOPENDE ASSESSERING (DASS)
4.1 Die DASS-punt sal steeds 25% van die finale bevorderingspunt uitmaak. Die samestelling van die verskillende DASS-items is egter gewysig en onderwysers moet die veranderinge onmiddellik in werking stel.
4.1.1 Formele eksaminering: Die formele voorbereidende (September-) eksamen maak 20% van DASS-punt uit.
4.1.2 Gekontroleerdekwartaaltoetse (paragraaf 5.1.1): Die inhoud van die Kontroletoetse is gewysig. Twee kwartaaltoetse moet in DASS ingesluit word, naamlik die Eerste kwartaal kontroletoets, asook die Junie-ekamen.

Die eerste kwartaal kontroletoets moet al die werk wat gedurende die eerste kwartaal afgehandel is, insluit. Die minimum puntetoekenning vir Hoër Graad is 130 punte en 100 punte vir Standaardgraad. (Tydtoewysing een uur.) Die samestelling van die vraestel en die standaard van die vrae moet soortgelyk wees aan die finale eksamenvraestel, naamlik Afdeling A, B en C (Hoër Graad) en Afdeling A en B (Standaardgraad).

Die Junie-eksamen moet dieselfde samestelling, tydstoewysing en puntetoekenning as die Voorbereidende (Septembereksamen) hê soos omskryf in die Assesseringsriglyne paragraaf 5.1.2. Dit dek egter net die werk wat tot dan afgehandel is. Vir die Opsteltipe vrae (HG) word drie vrae opgestel, waarvan die leerder twee moet beantwoord. Geen keuses vir die ander vrae (HG en SG) word toegelaat nie.

4.1.3 Ander vorms van assessering (Verwys na Assesseringsriglyne paragraaf 5.1.3)
  • Klastoetse: ’n Minimum van SES. Die minimum puntetoekenning vir HG is 60 punte en 50 punte vir SG. (Tydtoewysing 30 minute).

  • Opdragte: ’n Minimum van TWEE. ’n Opdrag kan bestaan uit òf ’n vakvaardigheidsopdrag òf ’n huidige besigheids- onderwerp òf ’n kombinasie van beide. Alle opdragte moet 50 punte tel en moet met ’n assesseringsmatriks, ’n memorandum of ’n kombinasie van beide nagesien word.

  • Navorsingsprojek: EEN navorsingsprojek wat 100 punte tel, omgeskakel tot 20 punte. Die projek moet slegs met behulp van ’n assessringsmatriks nagesien word. (Onderwysers mag die een wat voorheen in die DASS Oorgangsriglyne gebruik is (bladsy 37 – 39), of enige ander geskikte asseseringsmatriks, gebruik wat die voorgestelde kriteria bevat.)

  • Leerderbetrokkenheid: (EEN taak van 25 punte, omgeskakel tot 5 punte) Die onderwyser kan ’n individuele taak per leerder gee wat die individuele leerder se betrokkenheid oor ’n tydperk (bv. twee maande) assesseer. Dit behoort die kriteria vir leerderbetrokkenheid in te sluit (verwys na die Assesseringsriglyndokument bladsy 21 en 22). Dit behoort aan die hand van ’n assesseringsmatriks nagesien te word wat die voorgestelde kriteria vir leerderbetrokkenheid insluit .

Voorbeelde van geskikte aanbevole take met meegaande assesseringsmatrikse, sowel as ’n profielvorm vir elektroniese puntestate, is beskikbaar op die Bedryfsekonomie-webtuiste (“Resources”-bladsy) by http://curriculum.wcape.school.za/site/28/res/view en sal deur die OBOS-kurrikulumadviseurs met onderwysers tydens die OBOS kluster standaardvasstellingvergaderings bespreek word gedurende die eerste kwartaal van 2006.

4.1.4 Dit word aanbeveel dat ’n soortgelyke DASS-program vir Graad 11 in 2006 geïmplementeer word.
4.1.5 Skedule vir die voltooiing van DASS take

Elke OBOS-kurrikulumadviseur sal ’n haalbare modereringskedule per kluster met die onderwysers beding om die vereiste DASS-items vir die jaar suksesvol en betyds te kan voltooi en modereer.


5. Skoolhoofde word versoek om te verseker dat die inhoud van hierdie kurrikulumminuut onder die aandag van alle Bedryfsekonomie-vakhoofde en onderwysers gebring word.


GETEKEN: J.P. RAULT-SMITH
HOOF: ONDERWYS
DATUM: 2006:02:13

National Assessment Guidelines for the Senior Certificate: Business Economics  (grootte: 195 KB)