| 1. |
Onderwysassistente sal aangestel word vanaf 15 Maart tot 30 November 2006. Dit moet in die dienskontrak aangedui word.
|
| 2. |
‘n Ouer of voog van ‘n onderwysassistent wat jonger as twee-en-twintig jaar is, moet die dienskontrak medeonderteken.
|
| 3. |
Die WKOD het riglyne opgestel vir die instellingsproses ter ondersteuning van skole met die suksesvolle instelling van onderwysassistente. Skole word versoek om hierdie riglyne vanaf 15 tot 31 Maart 2006 toe te pas.
|
| 4. |
Die WKOD vertrou dat prinsipale en onderwysers voordeel sal trek uit hierdie riglyne en dat die suksesvolle instelling van die onderwysassistente sal lei tot ‘n verbetering in die gehalte van leer en onderrig in die Wes-Kaap.
|
| 5. |
Prinsipale word versoek om hierdie inligting onder die aandag van die Grondslagfaseonderwysers te bring.
|
| 6. |
Ver verdere inligting, skakel asseblief vir S Fortuin, Senior Kurrikulumbeplanner vir Inklusiewe Onderwys, by telefoonnommer 021 467 2584 of by e-posadres mailto:sfortuin@pgwc.gov.za
|
GETEKEN: J.P. RAULT-SMITH
HOOF: ONDERWYS
DATUM: 2006:03:10
|