1. Soos uiteengesit in Kurrikulumontwikkelingminuut 0008/2006, kry leerders in die Wes-Kaap toegang tot rekenaars en ander digitale hulpbronne as ‘n integrale deel van hulle onderrig en voorbereiding op die Nasionale Senior Sertifikaat. Leerders wat Rekenaartoepassingstegnologie en Inligtingstegnologie loop, gebruik reeds rekenaars. Leerders wat die volgende vakke neem, sal verplig word om van 2007 af dele van hulle kurrikulum op rekenaars te voltooi: Rekeningkunde, Siviele Tegnologie, Ontwerp, Elektriese Tegnologie, Ingenieursgrafika en Ontwerp, Aardrykskunde, Lewensoriëntering, Meganiese Tegnologie, Toerisme en Visuele Kunste. Digitale hulpbronne voeg ook waarde toe tot die onderrig van ander vakke.
2. ‘n Engelse kopie van die Guidelines for ICT Integration with NCS Subjects in Grades 10-12 sal gratis aan skole gepos word om te help met die inkorporering van IKT’s in leer en onderrig. Die onderwerpe sluit in algemene gebruik van IKT’s oor alle VOO-vakke heen; die gebruik van IKT’s in elke spesifieke vak; opvoedkundige sagteware en hoe om dit te evalueer; die gebruik van die Internet in elke vak; en digitale hulpbronne wat deur die WKOD verskaf word. Dit is ook moontlik om hierdie dokument af te laai van die Digitale Hulpbronne-webtuiste by http://curriculum.wcape.school.za/site/113 wanneer hierdie tuiste in Maart oopgestel word vir die publiek.
3. Skole kan ‘n gratis vertaling van die Riglyne in Afrikaans ontvang deur die bestelvorm wat by die Guidelines ingesluit is, in te vul en dit aan Edumedia te faks.
4. Skole kan ook nog kopieë in Engels of Afrikaans van Edumedia bestel teen die prys wat op die bestelvorm aangedui word.
5. Indien u enige navrae het, skakel gerus met die kurrikulumbeamptes wat verantwoordelik is vir die integrasie van die IKT’s, me A Lowenherz (021 467 2621, mailto:alowen@pgwc.gov.za) en me A Basha (021 467 2569, anbasha@pgwc.gov.za).
6. Maak asseblief seker dat alle onderwysers toegang het tot die dokument.


GETEKEN: J.P. RAULT-SMITH
HOOF: ONDERWYS
DATUM: 2006:03:09

Guidelines for ICT Integration with NCS Subjects in Grades 10-12  ("pdf" weergawegroote: 282 KB)
Ook beskikbaar as 'n MS Word dokument ("zipped"):
Guidelines for ICT Integration with NCS Subjects in Grades 10-12  ("zip" weergawegroote: 214 KB)