1. Lewensoriëntering, ‘n vak in die VOO-band wat alle leerders in graad 10 tot 12 moet neem, het vier fokusareas: Persoonlike Welsyn, Burgerskapopleiding, Rekreasie en Fisieke Aktiwiteit, en Loopbane en Loopbaankeuses.
2. Opleidingskursusse in die Loopbane en Loopbaankeuses-fokusarea sal aangebied word van 6 tot 8 April 2006, soos aangedui in Kurrikumumontwikkelingsminuut: 0074/2005.
2.1 Die PACE: Adviseer en Verwys-kursus, wat ‘n geakkrediteerde kursus op NKR vlak 5 is, is gemik op die opleiding van onderwysers om leerders te help om ingeligte vak- en loopbaankeuses te maak.
2.2 Voorleggings sal beide papier- en rekenaargebaseer wees. Deelnemers sal ses krediete ontvang by voltooiing van die portefeulje en sal opvolgwerkstukke vir hulle portefeuljes moet afhandel, mits hulle reeds die aanvanklike PACE: Wêreld van Werk-kursus afgelê het.
3. Twee onderwysers per skool kan hierdie tweede rondte se opleiding in PACE: Adviseer en Verwys bywoon. Verwys asseblief na Bylae B vir lokale. Die kursus sal stiptelik om 08:30 begin en om 16:00 eindig op al drie opleidingsdae. Daar sal van onderwysers wat vir die kursus registreer, verwag word om al drie dae by te woon.
4. Onderwysers sal vir reisonkoste vergoed word en diegene wat beoog om vir hierdie onkoste te eis, moet die volgende inligting by die kursus beskikbaar hê:

  • PERSAL-nommer

  • Enjinkapasiteit van die voertuig

  • Voertuig se vervaardigingsjaar

  • Afstand in kilometer tussen skool en opleidingslokaal
5. Onderwysers van landelike OBOS-distrikte wat akkommodasie benodig moet hulle eie reëlings tref. Geskikte bed-en-ontbytakkommodasie word aanbeveel. Hierdie opvoeders kan hulle eise vir akkommodasie-onkoste op die laaste dag van die kursus indien, voordat hulle vertrek.
6. Prinsipale word versoek om die ingevulde registrasievorm, aangeheg as Bylae A, teen 10 Maart 2006 in te dien by die Lewensoriëntering-kurrikulumadviseur verbonde aan hulle plaaslike OBOS. Verwys asseblief na Bylae C vir skakelbesonderhede.
7. Prinsipale word herinner dat bywoning by hierdie kursusse in ag geneem kan word wanneer onderwysers se GGBS-vorms ingevul word.
8. Vir meer inligting, skakel asseblief met me D Christiaans, Senior Kurrikulumbeplanner vir Lewensoriëntering (VOO), by telefoonnommer 021 467 2589 of by e-posadres dchristi@pgwc.gov.za
9. Hoërskoolprinsipale word vriendelik versoek om hierdie minuut onder die aandag van hulle Lewensoriënteringonderwysers te bring.


GETEKEN: J.P. RAULT-SMITH
HOOF: ONDERWYS
DATUM: 2006:02:28

Bylae A  (grootte: 5 KB)
Bylae B  (grootte: 8 KB)
Bylae C  (grootte: 5 KB)