| 1. |
Die vakoriënteringsleweringsmodel vir 2006 is gewysig, op grond van ‘n ontleding van die 2005-model en ‘n nasionale intervensie vir die opleiding van onderwysers en amptenare.
|
| 2. |
Provinsiale oriënteringsproses
|
| 2.1 |
Vakoriëntering vir die groter vakke (sien Bylae A) sal in die OBOS-konteks aangebied word. Onderwysers sal dus vir vakoriëntering moet registreer by die OBOS waaronder hulle skool ressorteer en nie by die naaste OBOS aan hulle woonplek nie.
|
| 2.1.1 |
Die OBOS’e sal onderwysers inlig oor die plekke waar die oriëntering sal plaasvind, en sal verantwoordelik wees vir die befondsing van alle reiskoste, en, waar van toepassing, vir verblyfuitgawes aangegaan deur deelnemers. Onderwysers kwalifiseer nie vir ‘n daaglikse onderhoudstoelaag nie.
|
| 2.1.2 |
Waar onderwysers moet oorbly vir daardie vakke soos gelys in Bylae A, sal die betrokke OBOS’e daardie onderwysers inlig aangaande die akkommodasiereëlings.
|
| 2.2 |
Vakoriëntering vir die kleiner vakke (sien Bylae B) sal in ‘n gesentraliseerde konteks aangebied word wat deur die Direktoraat: Kurrikulumontwikkeling vanaf Hoofkantoor bestuur word. Onderwysers wat hierdie vakke onderrig, sal dus by Hoofkantoor, wat die oriënteringsprogram bestuur, moet registreer.
|
| 2.2.1 |
Die Direktoraat: Kurrikulumontwikkeling sal al daardie onderwysers wat sal deelneem aan die oriënteringsprogram vir die kleiner vakke inlig watter vergaderplekke gebruik sal word. Hierdie werkswinkels sal in en om Kaapstad aangebied word.
|
| 2.2.2 |
Onderwysers wat hierdie gesentraliseerde werkswinkels bywoon, sal vir hul eie vervoer- en akkommodasiereëlings verantwoordelik wees. Reis- en verblyfkoste aangegaan moet geëis word van die OBOS waaronder die betrokke onderwyser se skool ressorteer.
|
| 2.3 |
Let daarop dat die tydsraamwerk en vakprogramme regdeur die Wes-Kaap Onderwysdepartement dieselfde sal wees.
|
| 2.4 |
Die provinsiale program, wat in die OBOS’e gedupliseer gaan word, is sodanig dat dit vir die meeste onderwysers wat twee vakke onderrig moontlik sal wees om oriëntering in altwee by te woon. Wiskunde sal bv. in week een behandel word en Wiskundige Geletterdheid in week twee. Dieselfde beginsel is van toepassing op ‘n menigte ander vakke waar ‘n moontlike kombinasie geïdentifiseer is.
|
| 2.5 |
Prinsipale moet daarop let dat daar geen verdere provinsiale oriënteringsessies vir die res van die jaar sal wees nie. Onderwysers wat twee vakke onderrig, moet dus aangemoedig word om albei vakwerkswinkels by te woon.
|
| 2.6 |
Die onderwysers verantwoordelik vir die vakke gelys in Bylae B, moet asseblief die aangehegte registrasievorm (Bylae C) volledig invul en teen nie later nie as 24 Maart 2006 aan mnr F. Lewis terugstuur by flewis@pgwc.gov.za, of by faks 021 467 2258. Sy kontaknommers is 021 467 2504 of 467 2585.
|
| 2.7 |
Onderwysers wat nie registreer nie sal, weens logistieke redes, nie toegelaat word om die werkswinkels by te woon nie.
|
| 3. |
Nasionale opleidingsprogram: inhoudsopskerping
|
| 3.1 |
Die nasionale Departement van Onderwys het die nuwe vakverklaringsinhoud uitgekontrakteer aan ‘n aantal hoëronderwysinrigtings vir daardie vakke wat in Bylae B aangedui word.
|
| 3.2 |
Die logistieke reëlings vir hierdie opleiding word tans gefinaliseer met die nasionale Departement van Onderwys. Skole sal dienooreenkomstig ingelig word.
|
| 4. |
Wiskunde, Wetenskap en Tegnologie (WWT) professionele ontwikkeling
|
| 4.1 |
Die Graad 10 tot 12 Wiskunde onderwysers van die 40 Dinaledi en die10 WWT Fokus skole sal afsonderlik deur AIMSSEC opgelei word
|
| 4.2 |
Hierdie opleiding vind plaas vanaf 23 Junie tot 15 Julie 2006 by Hoërskool Stellenbosch. Twee kursusse word aangebied. Die eerste groep onderwysers ontvang opleiding vanaf 23 Junie tot 4 Julie 2006 en die tweede groep vanaf 5 tot 15 Julie 2006.
|
| 4.3 |
Twee onderwysers per skool sal aan hierdie opleiding deelneem en hulle hoef nie vir die provinsiale oriëntering by die OBOSSe te registreer nie.
|
| 4.4 |
‘n Afsonderlike skrywe sal aan die betrokke skole gestuur word waarin die nodige inligting en die registrasievorms vir hierdie opleiding verskaf sal word.
|
GETEKEN: J.P. RAULT-SMITH
HOOF: ONDERWYS
DATUM: 2006:03:10
|