| 2. |
Gedurende die nasienproses in Desember is die punte wat deur elke kandidaat in elke vraag in elke vraestel behaal is, verwerk ten einde die WKOD in staat te stel om hierdie analise aan elke skool te voorsien.
|
| 3. |
Hierdie provinsiale statistiek sal deur eksamineringspanele benut word om die gehalte en toepaslikheid van elk van die vrae en die algemene standaard van die vraestelle te assesseer en derhalwe die kwaliteit van eksaminering in die provinsie te verbeter.
|
| 4. |
Kurrikulumbeplanners en -adviseurs is van die statistiek vir die provinsie en hul OBOS’e voorsien sodat hulle strategieë kan ontwikkel om onderwysers met moeilike aspekte van die kurrikulum te help.
|
| 5. |
Hierdie uitgebreide analise stel elke skool in staat om te identifiseer waar hul leerders goed gedoen het of met sekere vrae gesukkel het. Skole kan ook moontlike foute opspoor, soos dat kandidate te veel vrae beantwoord of `n verkeerde kombinasie vrae beantwoord het.
|
| 6. |
Die statistieke behoort ook skoolhoofde van nut te wees in hulle taak om die gehalte van die werk wat in hulle skole gedoen word, te verseker.
|
| 7. |
Hierdie statistiek dui die volgende ten opsigte van individuele skole aan:
Die persentasie verskil bo of onder die provinsiale gemiddeld wat sy kandidate vir elke vraag behaal het. ’n Positiewe persentasie verskil toon aan dat die gemiddelde persentasie bo die provinsiale gemiddeld was, terwyl ’n negatiewe persentasie verskil daarop dui dat u skool se gemiddelde persentasie onder die provinsiale gemiddeld was.
Die getal kandidate wat elke vraag aangepak het.
Die afwyking in die gemiddelde persentasie tussen wat die kandidate vir die vraestel as 'n geheel behaal het en die gemiddeld vir die provinsie. Dit verskyn in die laaste kolom.
|
| 8. |
Die onderwysers wat by elke vak betrokke is, moet die statistiek onderling bespreek, sterk en swak punte identifiseer, en hierdie inligting gebruik om ’n aksieplan vir die vak vir die komende jaar op te stel.
|
| 9. |
Waar ernstige probleme in ’n vak geïdentifiseer word, moet vakhoofde die kurrikulumadviseurs om hulp nader. Hulle word ook aangemoedig om saam met hulle opvoeders betrokke te raak by vakgroeperings in hulle streek. Onderwysers wie se leerders sukses in spesifieke vrae behaal het, kan deur die kurrikulumadviseurs gevra word om die redes vir hul sukses te deel met skole wat swak gevaar het
|
| 10. |
Ten einde verdere vakverbetering te ondersteun, het die WKOD `n stel vakstrategieë in antwoord op die provinsiale uitslae t.o.v. vrae in die Senior Sertifikaat-eksamenvraestelle van 2005 ontwikkel. Die vakstrategieë wat by hierdie kurrikulumminuut aangeheg is, dui die kennis en vaardighede aan wat vir elke vraag nodig is en maniere hoe onderwysers die leer en onderwys in spesifieke aspekte van die kurrikulum kan verbeter.
|
| 11. |
Die WKOD is seker dat skoolhoofde en onderwysers sal baat by hierdie statistiek en dat dit sal bydra tot die verbetering van die gehalte van onderrig en leer in die Wes-Kaap.
|
GETEKEN: D.R. SHEPHERD
HOOF: ONDERWYS
DATUM: 2006:02:22
|