1. As deel van die WKOD se WWT-strategie is WWT-stelle vir Grondslagfase sowel as Intermediêre Fase in 2004 en 2005 by alle primêre skole afgelewer. Om die konsolidasie van basiese konsepte in Wiskunde te bevorder, is Wiskunde Hoofrekene-blaaiboeke vir graad 1 tot 6 ook aan skole voorsien.
2. Die WKOD versoek prinsipale en skoolbestuurspanne om onderwysers aan te moedig om volledig gebruik te maak van hierdie materiaal om die implementering van uitkomsgebaseerde onderwys te rig en aktiewe leer te bevorder.
3. Let asseblief daarop dat die blaaiboeke vir Wiskunde hoofrekene nie die Wiskunde leerprogram vervang nie. Die Wiskunde hoofrekene vir tien minute per dag is bedoel om die Wiskunde leerprogram uit te brei en om konsepte wat die vorige jaar geleer is te konsolideer. Dit sal onderwysers ook help om leerders sover te kry om meer abstrak te dink.
4. Om die effektiwiteit en bruikbaarheid van die Wiskunde hoofrekene-blaaiboeke te bepaal, versoek die WKOD dat departementshoofde van die Grondslagfase en Intermediêre fase met die betrokke onderwysers by hulle skole in gesprek tree en dan die aangehegte vraelys sal invul. Voltooi asseblief die vraelys per fase in en gee die mees algemene respons van onderwysers weer.

Besorg asseblief die vraelys terug teen 10 Maart 2006 na Die Hoof van Onderwys, Wes-Kaap Onderwysdepartement, vir aandag Mev L Malan, WKOD, Kamer 803, Privaatsak X9114, KAAPSTAD, 8000 Of faks aan: 021 467 2258.

Dankie vir u deelname aan hierdie opname.


GETEKEN: J.P. RAULT-SMITH
HOOF: ONDERWYS
DATUM: 2006:02:17

Vraelys  (grootte: 24 KB)