| 1. |
Die bekendstelling van ‘n nuwe kurrikulum is ‘n groot uitdaging, maar dit is ook ‘n gulde geleentheid om te besin oor ‘n mens se praktyk en om eienaarskap van die proses te neem. Die oriënteringskursusse vir graad 8- en 9-onderwysers in Julie en September 2006 bied nog ‘n geleentheid om die gehalte van onderwys te verbeter deur op assessering, beplanning en klaskamerpraktyke en -vereistes te fokus.
|
| 2. |
Soos aangedui in Omsendbrief 0066/2005, sal die Nasionale Kurrikulumverklaring graad R tot 9 (Skole)-beleid in 2007 in graad 8 en 9 bekendgestel word.
|
| 3. |
Twee oriënteringskursusse sal vir elke leerarea aangebied word, een in Julie en die volgende in September.
|
| 3.1 |
‘n Vyfdag-oriënteringskursus in elk van die agt leerareas sal van 10 tot 14 Julie 2006 vir alle graad 8- en 9-onderwysers in hulle belangrikste leerarea gehou word.
|
| 3.2 |
‘n Vierdagkursus in elk van die agt leerareas sal van 26 tot 29 September 2006 aangebied word vir onderwysers wat ‘n tweede leerarea onderrig.
|
| 3.2.1 |
Die Vierdagkursus sal ‘n herhaling van die Julie-kursus wees, maar Dag 1 sal weggelaat word.
|
| 3.2.2 |
Hierdie kursus sal onderwysers wat meer as een leerarea onderrig in staat stel om ‘n kursus in hulle tweede kundigheidsgebied by te woon.
|
| 4. |
Prinsipale word versoek om al hulle graad 8- en 9-onderwysers vir opleiding in Julie en September te registreer waar nodig, teen nie later nie as 24 Februarie 2006 deur die aangehegte vorm in te vul en aan hulle OBOS te faks of te pos. Indien die vorm ge-e-pos word, word prinsipale versoek om die volgende in die onderwerpreël in te vul: Bylae A: Gr 8 & 9.
|
| 5. |
Prinsipale moet asseblief daarop let dat onderwysers wat deur die skoolbeheerliggame aangestel is, welkom is om die opleidingskursusse by te woon, maar geen vervoereise kan indien nie.
|
| 6. |
Onderwysers mag nie uit die Julie-kursus onttrek nie, aangesien die skool aanspreeklik sal wees vir al die koste in gevalle waar onderwysers wat wel geregistreer het nie die kursus bywoon nie.
|
| 7. |
Prinsipale sal voor die einde van die eerste kwartaal ingelig word aangaande die lokale vir die kursusse.
|
| 8. |
U samewerking sal hoog op prys gestel word.
|
GETEKEN: J.P. RAULT-SMITH
HOOF: ONDERWYS
DATUM: 2006:02:10
|