| 1. |
Pasaangeërs is ontwikkel vir elk van die VOO NKV-vakke om onderwysers in die beplanning van hulle werkskedules en lesplanne te ondersteun.
|
| 2. |
Die betrokke leeruitkomste en assesseringstandaarde vir die vakke is in elke pasaangeër gespesifiseer. Besonderhede van die inhoud en assesseringstake is geïdentifiseer en in ooreenstemming gebring met die leeruitkomste en assesseringstandaarde en die tydsbestek vir die afhandeling van die werk word aanbeveel.
|
| 3. |
Die doel van hierdie pasaangeërs is tweevoudig: om onderwysers van 'n akademiese jaarraamwerk te voorsien, d.w.s 'n werkskedule, en om onderwysers te help om die kurrikulum betyds af te handel ter voorbereiding vir die graad 11-eksamen aan die einde van die jaar.
|
| 4. |
Let daarop dat die werk afgehandel moet wees aan die einde van die derde kwartaal en dat die vierde kwartaal gebruik moet word vir hersiening en om eksamentegnieke en -vaardighede vas te lê.
|
| 5. |
Prinsipale moet asseblief seker maak dat 'n afskrif van die pasaangeërs wat aan die skole gestuur sal word aan elke onderwyser op die personeel beskikbaar gestel word om seker te maak dat onderwysers die kurrikulum afhandel. Prinsipale moet die implementering van die pasaangeërs monitor.
|
| 6. |
Indien onderwysers bykomende ondersteuning nodig het, moet hulle met die betrokke kurrikulumadviseur by hulle OBOS skakel.
|
GETEKEN: J.P. RAULT-SMITH
HOOF: ONDERWYS
DATUM: 2006:11:29
|